Hariyanvi Rhymes for children ( hariyanvi ) please contribute...

P

pavrahi

New member
घुम्म्ड घुम्म्ड दूध बेलोये
जाटनी का छोरा रोये
रोवे से ते रोवन दे
मन्ने दूध बेलोंन दे
मम्मी इसकी रानी
पापा इसके राजा
फल खाए ताज़ा
सोने की चिड़िया
चांदी का दरवाजा
उसमे से कौन निकला
मेरा "भुवि" raaja
 
घालिये मलोटा
थारे घर में कोठा
कोठे में छालनी
"रवि " की बहु आवे चालनी
 
बाल कविता

लाडू पीदे सस्ते
मास्टरजी नमस्ते
मास्टरजी ने मारा डंडा
हाथ पड़ गया ठंडा
 
ला ला ला ला लोरी
दूध की कटोरी
दूध में बताशा
भुवि करे तमाशा
 
एक देगची में दो चावल
पके नहीं तीन दिन तक वो चावल
चार वैद का पाठ कराया
पांच पंडितों को बुलवाया
छ चूल्हों पर उसे चढ़ाया
सात समंदर ते पानी
आठ बार भर ल्याई नानी
नौ मनन लकड़ी दस मनन कंडे
फिर भी चावल ठन्डे के ठन्डे
नहीं किसी ने आग लगाई
ते के करते चावल भाई !!
 
आटडे बाटडे
कान के काटडे
आड़े सी हाग्या
आड़े सी मुत्या
योह पा गया !!!!!
(ये कविता छोटे बाल्कां नु हाथां पे गुद-गुदी कर कें हँसान खातर कह्या करें )
 
छान पे छाबड़ी
तारे पिंवे राबड़ी
रामलू की माँ पानी ने जा
रामलू दूध मलाई खा
खावे स ते खावन दे
मन्ने दूध बिलोवन दे
( ये जब गाते हैं जब छोटे बच्चों को दोनों हाथ पकड़ कर मध्नी(रई) की तरह हिलाते हैं )
 
लल्ला रे ललमनिया रे
नाहने मुन्ने भाई रे
माँ के लाडले सिपाही रे
तेरी दादी ने बाँझ बताई रे
तेरे दादा ने बियाह की सलाही रे
सो जा नाहने भाई रे
सो जा नाहने सिपाही रे
१२ गज का तानिया रे
छान ठुवान जाइए रे
हांगा थोड़ा लाइए रे
दंगा घना मचाइए रे
सो जा नाहने भाई रे
सो जा नाहने सिपाही रे
 
When two kids fight with each other:-

मारूंगा कान प
जागा दुकान प
खाव्गा रेवड़ी
हागेगा जेवड़ी
 
राजा राज की बेटी
पाल्ला काटती देखी
खीडकी खोल दे माली
दुनिया जा स चाली
 
बालक ने में छेड़ूँ कोन्या
जवान मेरा भाई
बुड्डे ने में छोडूँ कोन्या
चाहे ओढ़ ले रजाई
 
मांग्या तान्ग्या
कीकर पे टनग्याँ
कीकर पे सें शूल
चाटेगा धुल
जा कीकर पे तें तार ल्या
(जब अक बालक दुसरे तें किम्मे खावन की चीज माँगता हो एर ना देणा चांदा हो तो कयाह करें )
 
Aadhi moochh kataunga !

I remember one, may not be complete , sorry don't know how to use Hindi.

rail aayi, rail aayi 12 ki,
moochh kati sardaran ki,
aadhi moochh main bhi kataunga,
nayi bohdiya lyaunga,
peeddhe pe bithaunga,
peeddha gaya toot,
bohdiya gayi roos,
roosan de bhai roosan se,
manne tambaaku kuttan de,
tambaaku padgya tel mein,
babbu chadd gya rel mein,
rel ne maari sitti,
2 aaye TT,
TT-iyan ne gere taar,
2 aaye thaanedar,
thaanedaran ki huyi sagai,
haamne khayi baallu shyahi !! :p
 
Last edited by a moderator:
में गया दिल्ली
दिल्ली तें लाया बिल्ली
बिल्ली ने मार्या पंजा
तेरा बाबु होगया गंजा
गंजे की खोपड़ी में तेल
गंजा हो लिया रेल
 
एक एकम एक
तेरा बाबु गुठा टेक
तेरी माँ गोसे बगावे
तेरा बाबु चुग- चुग लयावे
चुगे स तो चुगान दे
मन्ने गण्डा चुन्घन दे
(जब कोए बालक दुसरे धोरे दो पोरी गंडे की मांग लेन्दा जब कह्या करदे )
 
एक एकम एक
एक दूणी दो
तू बूढ़े धोरे सो
बूढ़ा मांगे सिरनी (प्रसाद)
तू ठाडू -ठाडू रो
 
गंजा रे गंजा
टेरम- टेर
हाथ में खुलिया (होकी)
बाछ्डू हेर
बाछ्डू बड़ ग्या मोठां में
मार गंजे के होठाँ में
होंठ पड़े बरोली में
गंजा पड्या खटोली में
खटोली गई टूट
गंजा गया रूस
रूसे से तो रूसन दे
मन्ने तम्बाकू कूटन दे
(जब कोए बालक गंजा हो के आया करदा जब ऊह ने चिडान के मारे कह्या करदे )
 
बूढा बेठा गाडी में
आग लागी डाढी में
डाढी करे चिरड-चिरड
बूढ़ा करे पिरड-पिरड
( या जब कह्या करदे जब कोए बूढ़ा बाल्कान नु खेलन तें नाट्या करदा )
 
You must log in or register to reply here.
Back
Top