ravinderjeet
New member
जाट्टां की रसोई
जाट्टां की रसोई
आपां दुनिया भर के वय्नजनाँ के बारे में सारे पढ़ते हांडआँ सां | पर किते जाट्टां के खाने के बारे में विशेष तौर पे नि लिख राख्या सारी रिसिपी मिल जावेंगी पर आपणे देशी जाट्टू खाणे की कोणी मिल्लें | घनखरे जाट शाकाहारी होंवें सें | पंजाब के कुछ जिल्याँ ने छोड़ दें ते | कई दिन पहलम एक दो ताग्याँ पे खावण पीवण पे घणा रोला होर्या था | मन्ने न्यू सोची अक क्यूँ ना आपणे खाणे -पीणे पे एक तागा सुरु करया जावे | सब आपना योग दान दे सकें सें | मेरी सब तें पहलम पर्स्तुती स गास की (बाजरे की खीचड़ी ) या मेरे भोत पसंद थी |
बाजरे की खीचड़ी (गास )
समय :- यु पकवान जाड्डयाँ में खाया जाया करे | बाकी बखत यु घणा गर्म होवण के कारण सेध कर सके स |
सामग्री :- बाजरा ,चन्यां की दाल ,माड़ा सा नूण दूध ,शीत ,घी |
मात्रा :- एक बन्दे की खातर लगभग २०० ग्राम बाजरा ,अर फेर जिन्ने बन्दे हों उतणा गुणा कर ल्यो | हर २०० ग्राम चने पे २५ ग्राम चन्यां की दाल | बाकी सामान खावानिये की आसंग के हिसाब तें(दूध ,शीत ,घी ) |
बणाने की विधि :- पहलम बाजरा उखल में छड लो | छडदी हाण बीचाले-बीचाले पांणी का छिपका भी मारदे रहो | इह तें राली सुथरी ढाल उतर जा गी | जा ना उतरी ते गास में कडूआट आवेगी | इतणा कुट्टणा चाहिए बाजरा अक जुकर गिहूँ का दलिया हो स न्यू-ए लागणा चाहिए |फेर इह में दाल मिला दो चन्यां की | सब तें बढ़िया ते माटी की हांडी हो स पर और कोए कासन भी बर्त्या जा सके स | फेर दाल न अर छड़े होए बाजरे ने पाणी में मिला दो ,पाणी इनकी मात्रा तें लगभग ढाई गुणा होना चाहिए अर माड़ा सा नूण भी गेर दो | फेर इन् ने धिम्मी आंच पे उबलना धर दो हारे में | आज काल हारा कोणी ते फेर गेस पे कती धिम्मी आंच कर देणी चाहिए | सहज पके सो मिट्ठा होए | जब खदअड़ - बदअड़ होण लाग ज्या उतणा पकाणा चाहिए |
खाणे की विधि : इहने खावण के कई प्रकार होवें सें | जिह ने ज्युकर आछा लागे न्यू-ए खा ले | पहलम ताता -ताता घी घाल के खा ले | फेर ताते दूध में भी खा सके सें | अर जो दूध में ना खाणा चाहवें,वे गोजी घाल के खा ले |(गोजी =खाटे सीत में धार मारी होड़ )चेतावनी :- जो दूध में खावें उन् ने फेर गोजी नि घाल्नी चाहिए ,पेट में उत्पणा हो सके स | गोजी ताते दूध की गेल अल्बाद कर सके स | तडके-तड़क बासी गास दही की गेल भी खाया जा सके स अर सीत की गेल भी | खुरचअण सब तें सुवाद भाग होवे स गास का ,इहने निखड़ू दूध की गेल खावे ते सूवादाँ में सूवाद आ ज्या |
जाट्टां की रसोई
आपां दुनिया भर के वय्नजनाँ के बारे में सारे पढ़ते हांडआँ सां | पर किते जाट्टां के खाने के बारे में विशेष तौर पे नि लिख राख्या सारी रिसिपी मिल जावेंगी पर आपणे देशी जाट्टू खाणे की कोणी मिल्लें | घनखरे जाट शाकाहारी होंवें सें | पंजाब के कुछ जिल्याँ ने छोड़ दें ते | कई दिन पहलम एक दो ताग्याँ पे खावण पीवण पे घणा रोला होर्या था | मन्ने न्यू सोची अक क्यूँ ना आपणे खाणे -पीणे पे एक तागा सुरु करया जावे | सब आपना योग दान दे सकें सें | मेरी सब तें पहलम पर्स्तुती स गास की (बाजरे की खीचड़ी ) या मेरे भोत पसंद थी |
बाजरे की खीचड़ी (गास )
समय :- यु पकवान जाड्डयाँ में खाया जाया करे | बाकी बखत यु घणा गर्म होवण के कारण सेध कर सके स |
सामग्री :- बाजरा ,चन्यां की दाल ,माड़ा सा नूण दूध ,शीत ,घी |
मात्रा :- एक बन्दे की खातर लगभग २०० ग्राम बाजरा ,अर फेर जिन्ने बन्दे हों उतणा गुणा कर ल्यो | हर २०० ग्राम चने पे २५ ग्राम चन्यां की दाल | बाकी सामान खावानिये की आसंग के हिसाब तें(दूध ,शीत ,घी ) |
बणाने की विधि :- पहलम बाजरा उखल में छड लो | छडदी हाण बीचाले-बीचाले पांणी का छिपका भी मारदे रहो | इह तें राली सुथरी ढाल उतर जा गी | जा ना उतरी ते गास में कडूआट आवेगी | इतणा कुट्टणा चाहिए बाजरा अक जुकर गिहूँ का दलिया हो स न्यू-ए लागणा चाहिए |फेर इह में दाल मिला दो चन्यां की | सब तें बढ़िया ते माटी की हांडी हो स पर और कोए कासन भी बर्त्या जा सके स | फेर दाल न अर छड़े होए बाजरे ने पाणी में मिला दो ,पाणी इनकी मात्रा तें लगभग ढाई गुणा होना चाहिए अर माड़ा सा नूण भी गेर दो | फेर इन् ने धिम्मी आंच पे उबलना धर दो हारे में | आज काल हारा कोणी ते फेर गेस पे कती धिम्मी आंच कर देणी चाहिए | सहज पके सो मिट्ठा होए | जब खदअड़ - बदअड़ होण लाग ज्या उतणा पकाणा चाहिए |
खाणे की विधि : इहने खावण के कई प्रकार होवें सें | जिह ने ज्युकर आछा लागे न्यू-ए खा ले | पहलम ताता -ताता घी घाल के खा ले | फेर ताते दूध में भी खा सके सें | अर जो दूध में ना खाणा चाहवें,वे गोजी घाल के खा ले |(गोजी =खाटे सीत में धार मारी होड़ )चेतावनी :- जो दूध में खावें उन् ने फेर गोजी नि घाल्नी चाहिए ,पेट में उत्पणा हो सके स | गोजी ताते दूध की गेल अल्बाद कर सके स | तडके-तड़क बासी गास दही की गेल भी खाया जा सके स अर सीत की गेल भी | खुरचअण सब तें सुवाद भाग होवे स गास का ,इहने निखड़ू दूध की गेल खावे ते सूवादाँ में सूवाद आ ज्या |
Last edited:
