albaadi baalkaan key kissey.

यो गुलू कई बे बस में लटक कें म्हारे गाम में आ जांदा | घंन्खरी बे गर्मी की छुट्टियां में म्हारी गेल खेलन का मार्या | भाडा तो आगले का किम्मे लागे कोणी था | हाम लुकम-लुका खेल्दे ,तो यो कई बरियाँ एक ओबरे में-ए जा कें लुक्दा | ऊह ओबरे में meraa बाबु आपना kenteen का कोटा धरया राख्या करदा | इह भाई ने ऊह में बाढा ला लिया | एर तीन चार दिना में एक बोत्तल आधी कर दी | एर जिन्नी बोत्तल खाली होई थी, ऊह में पाणी भर दिया |यो पहलम भी मेरे मामा ने देहरादून miltri स्कूल तें इससे कारण भाजाया था |(मन्ने पहलम आली एक अल्बाद में लिखा था ) जब कई दिना पाछे मेरे बाबु ने पेग बना के पीया तो ऊमे पानी-ए पानी | meraa बाबू लाग्या बुझान एक आड़े कूण बड्या था | हामने बाताई एक खेल्दी हान गुलू लुक्या करदा | यो काम उस्से का स | आगले दिन जब वो आया ,meraa बाबू ऊह की बात में-ए था | न्यू बोल्या आ बेटा तन्ने मजे देवावु | एर ऊह के आगे तीन चार बोत्तल कती भरी धर दी ,एर नु बोल्या अक इब्ब इन्ने सारियां ने पी एर ना पी तोह तेरे बाबू (meraa मामा ) ने बुला के तेरा बक्कल तर्वाउंगा | fer तो गुलू ने dhartee bhidi hogi एर लाग्या bhundi dhaal rovan | एर इससे dhaal karan लाग्या jaanu तोह eeke doraa padgyaa | एर aapne latte एर baal लाग्या paadan |ऊह के पाणी के chhpke maar कें thaayaa | एर meri maa boli अक khaam khaa sar hojaa gaa , किम्मे ho gyaa तोह | इन्ने jaan de | पाछे में जब une बस stand taahi chhodan gyaa तो daaki oochhaldaa jaawe एर haanse-ए haanse | में बोल्या makhaa इब्ब तोह tu behos horyaa था | नु बोल्या अक मन्ने तोह bachan khaatar naatak karyaa था | fer जब पाछे वो कई saal म्हारे gharaan कोणी आया | bewdaa भाई |
 
या घटना मेरी गेल १५ दिन पहलम घटी थी | एर यो एक तरह का चुटकला बन गी | में मेरे एक दोस्त कपिल देव सिंह जो की सीनियर साइंटिस्ट स ,बी अ आर सी में,में ऊ की गेल उनके हस्पताल में गया था | में ऊ की पंधरा दिन की छोरी ने ले-ए बेठा था हाथां में ,ऊ की बीबी का सिजेरियन होया था जयां तें वा ना ले सके थी | महारा एक पडोसी आग्या हस्पताल में ऊ का नाम श्री धर स ,वो भी २ साल पहलम -ए सीनियर साइंटिस्ट के पद पर तें रिटायर होया था | वो मन्ने देख कें बोल्या -----
श्रीधर-- अरे रवि तुम को बच्चा कभी हुआ |
रवि--- अंकल आपको तो मालुम हे ,मेरी तो बीबी ही नहीं हे ,तो बच्चा केसे होता ?
श्रीधर-- हो-हो सारी-सारी| फिर ये किस का हे |
रवि ---- अंकल ये कपिल(मेरा दोस्त ) की बच्ची हे |
श्रीधर--- अच्छा-अच्छा | क्या ये पैदा हो चुकी हे ?
रवि --- नहीं अंकल जी ,अगले साल तक शायद पैदा हो जायेगी |
फेर ऊ श्रीधर की बीबी ने वो घणाए लाताड्या एक तेरे में अक्कल कोणी के किम्मे हो बकन लाग्ज्या स | बेचारा बुड्ढा |

bhaaio maaf kar denaa yaa baalak pan ki albaad toh koni par manney iss me-a geranaa theek laagyaa.
 
ravinderjeet said:
या घटना मेरी गेल १५ दिन पहलम घटी थी | एर यो एक तरह का चुटकला बन गी | में मेरे एक दोस्त कपिल देव सिंह जो की सीनियर साइंटिस्ट स ,बी अ आर सी में,में ऊ की गेल उनके हस्पताल में गया था | में ऊ की पंधरा दिन की छोरी ने ले-ए बेठा था हाथां में ,ऊ की बीबी का सिजेरियन होया था जयां तें वा ना ले सके थी | महारा एक पडोसी आग्या हस्पताल में ऊ का नाम श्री धर स ,वो भी २ साल पहलम -ए सीनियर साइंटिस्ट के पद पर तें रिटायर होया था | वो मन्ने देख कें बोल्या -----
श्रीधर-- अरे रवि तुम को बच्चा कभी हुआ |
रवि--- अंकल आपको तो मालुम हे ,मेरी तो बीबी ही नहीं हे ,तो बच्चा केसे होता ?
श्रीधर-- हो-हो सारी-सारी| फिर ये किस का हे |
रवि ---- अंकल ये कपिल(मेरा दोस्त ) की बच्ची हे |
श्रीधर--- अच्छा-अच्छा | क्या ये पैदा हो चुकी हे ?
रवि --- नहीं अंकल जी ,अगले साल तक शायद पैदा हो जायेगी |
फेर ऊ श्रीधर की बीबी ने वो घणाए लाताड्या एक तेरे में अक्कल कोणी के किम्मे हो बकन लाग्ज्या स | बेचारा बुड्ढा |

bhaaio maaf kar denaa yaa baalak pan ki albaad toh koni par manney iss me-a geranaa theek laagyaa.
Click to expand...

Baalak paan ki albadh kisi hoya kare bhai sahab.......
 
एक बे म्हारे गाम में एक भूंड(ऑटो रिक्स्सा ) रोहतक तें सवारी छोडन आग्या | जब सीक ये नए-नए चाले थे,घन्न्खरी तो पेडल रिक्सा -ए चाल्या करदी | पुराने बस अड्डे तें मेडिकल ताहि चाल्या करदे सुरु-सुरु में | हाम तफरियां में उलटे स्कूल में जावन लागरे थे | एक छोरा ऊ का नाँ कप्तान सिंह था एर था भी वो म्हारे गाम की फूटबाल टीम का कप्तान | कसुता उत बालक | उने वो रिक्स्सा गेल तें उप्पर ने ठा लिया | एर रिक्स्सा आला जो की एक शरणार्थी था | वो , ऊ रिक्सा के रेस देवे, एर रिक्सा ठोडे भूं-भूं करे | कई वार होगी बिचारा रोवन ने होगया, बोल्या मन्ने जा लेन दो | फेर कप्तान बोल्या एक हामने घूमा कें ल्या, जब जाण दयांगे| फेर ७-८ कूंगर लद लिए ऊ रिक्सा पे एर सारे गाम का चक्कर लुवाया ,मझक लेवन के मार्या ने | जब जा कें छोड्या वो | फेर तो वो कदे किस्से गाम की सुवारी नि लेग्या होगा |
 
ravinderjeet said:
|
Click to expand...

swad sa aaga desi word pad k...ek to भूंड arr dusra मझक.
aaj kal k sahri ya gaate bera pave hai isse isse sabda ka...

abhi kuch din pehle ki baat hai....mera ek dost hai...Jaat hai...sahar me raha kare...baat baata me is भूंड ka jikar aaga...bichal gaya bechara...bola thaam भूंड kaha karo isne...

Pad k wa baat yaad aagi...

arr wo dusra tethan...usne ganesh kaha karte...kai be to isse isse naam soch k haansi aaja hai ki jaat kade sida naam to dare na kisse ka...
 
Bhai Ravinder, yo taaga (thread) shuru karan ki dhanyavad. Ghana uut balak rehoda se bhai, haam te eeb tain bi pacche reh liye :) simply wonderful, excellent use of thet haryanvi, humorous narrative style, original funny incidences ... priceless
 
naseebpanghal said:
swad sa aaga desi word pad k...ek to भूंड arr dusra मझक.
aaj kal k sahri ya gaate bera pave hai isse isse sabda ka...

abhi kuch din pehle ki baat hai....mera ek dost hai...Jaat hai...sahar me raha kare...baat baata me is भूंड ka jikar aaga...bichal gaya bechara...bola thaam भूंड kaha karo isne...

Pad k wa baat yaad aagi...

arr wo dusra tethan...usne ganesh kaha karte...kai be to isse isse naam soch k haansi aaja hai ki jaat kade sida naam to dare na kisse ka...
Click to expand...


bhaai nseeb, ibb to haal gaamaa mein bhi yo horyaa s ak deshi haryanvi khatam si ho li s er sahri haryanvi bad gi s gaamaan mey.munh chikdaa ke baat karein sein aajkaal aali pidhi kimmey TV kaa bhi parkop horyaa s . meri koshish yaa-a rehvey se ak jitney ho0 sakein teth haryanvi sabdaan kaa bartaav ho .-----dhanyawaad ,jissey lo.
 
vdhillon said:
Bhai Ravinder, yo taaga (thread) shuru karan ki dhanyavad. Ghana uut balak rehoda se bhai, haam te eeb tain bi pacche reh liye :) simply wonderful, excellent use of thet haryanvi, humorous narrative style, original funny incidences ... priceless
Click to expand...

manney kai be bataa li bhaai vishaaaaaaal, mey oot baalkaan me koni ginaa jaayaa kardaa,gaal ki lugaai meraa udhaharn de kein aapney baalkaan nu sudhaaryaa kardi.baaki hoslaa afjaai key liye dhanyawaad.theth deshi saang.
 
Bhai ravinder, manne toh 50 - 60 janam lene padenge tere jitni aalbad karan ka anbhav len khatar. jama e andy paada se bhai. raam teri bhai kare. mein to nu soch soch ke raazi ho ra su, ke ese ese uut-an ke haath koni chaadha kade, thare barge daaki kiese k gail je paad ja toh raam bi bhali na kar sag-da.

teri aalbad sab te nyari AR PADH PADH ke khoob jee sa aagaya jano ghee sa khal dya ho. bhai kbooh se tu bi.

i propose that we must make a 'hall of fame' only for members with outstanding contributions to this site. You will be right on the top in the Jatland hall of fame for most outstanding contribution the site in the field of most original aalbad and makhaul.

baki jat bhai a bhan meri baat ka samarthan kar de ho ki raviner ko special recognition di jani chahye toh apne comment mein chaap do.
 
vdhillon said:
Bhai ravinder, manne toh 50 - 60 janam lene padenge tere jitni aalbad karan ka anbhav len khatar. jama e andy paada se bhai. raam teri bhai kare. mein to nu soch soch ke raazi ho ra su, ke ese ese uut-an ke haath koni chaadha kade, thare barge daaki kiese k gail je paad ja toh raam bi bhali na kar sag-da.

teri aalbad sab te nyari AR PADH PADH ke khoob jee sa aagaya jano ghee sa khal dya ho. bhai kbooh se tu bi.

i propose that we must make a 'hall of fame' only for members with outstanding contributions to this site. You will be right on the top in the Jatland hall of fame for most outstanding contribution the site in the field of most original aalbad and makhaul.

baki jat bhai a bhan meri baat ka samarthan kar de ho ki raviner ko special recognition di jani chahye toh apne comment mein chaap do.
Click to expand...

bhai haal of fame to aapey ban ryaa s,jab log 0n kardey-a pahalam albaad tohni suru karey se jl member.roj 100-150 bhaai-bhaan raji ho jyaan sein ,ooh tein baadh aur k sammaan chahiye.
 
ravinderjeet said:
bhai haal of fame to aapey ban ryaa s,jab log 0n kardey-a pahalam albaad tohni suru karey se jl member.roj 100-150 bhaai-bhaan raji ho jyaan sein ,ooh tein baadh aur k sammaan chahiye.
Click to expand...

Bhai sa abkale kah di man ki baat,
hachi hachi ...................................
:) :) :) :) :)
 
VJ said:
ये सारे बालक बड्डे हो लिए के..... ना होए हो ते इनने बाल सुधार गृह खंदा दो ....
Click to expand...

र बावली बूच न आंग्ली कर इन ऊतां क, यो खसम बण क गैल लाग लिए तो पुंजडी लाखोई लाखोई हंडाता फिरे गा
 
Originally Posted by VJ
ये सारे बालक बड्डे हो लिए के..... ना होए हो ते इनने बाल सुधार गृह खंदा दो ....

---------
र बावली बूच न आंग्ली कर इन ऊतां क, यो खसम बण क गैल लाग लिए तो पुंजडी लाखोई लाखोई हंडाता फिरे गा
 
एक बे मेरे मामा के छोरे गुलू फोगाट ने आपणा एक सह पाठी हरेंदर सिंह राणा, गेल लिया , एर दिली हानडन की पलान बणआई | जब वे स्कूल में पढ्या करदे | इब्ब पिस्से तोह किस्से धोरे भी कोणी थे | तोह उन ने पलान बनाई, एक आपां किताब बेच दयाँगे, एर स्कूल छुट्टी पाछे आपां सोनीपत स्टेंड पे मिलेंगे | गुलू डाकि ने आपणा बस्ता तोह धर दिया आपने एक दोस्त के घरां, एर हरेंदर ताहि बोल्या, अक मेरी माँ मिलगी थी, राह में ,वा ले गी बस्ते नु | इब्ब आपां नु तेरी आळी किताबां तें -ए काम चलाणा पडेगा .आगली बरियाँ मेरी आळी किताबां तें हांड के आवांगे | एर तोह वे पोंच्गे प्रेम बुक डिपो,परताप चोक ,पुराणा बाजार | या दूकान रोहतक में परसिद्ध थी ,पुराणी किताब खरीदण - बेचण खातर | यो हरेंदर रह्या तोह करदा माडल टाउन में ,एर गुलू रह्या करदा झांग कालोनी में | बिचाले रेलवे लाइन थी ,तोह इस तरां वे घर के लगभग पडोसी भी थे | एर गाम के गुहांडी भी थे | हरेंदर पाक्समे का था | एर दोनुआ के बाबू भी एक दुसरे नु आछी ढाल जाण्या करदे |
हरेंदर पाछे मेरा भी दोस्त बन्ग्या था | या बात में पहलम बताणा चाहूँगा | जब जहाज में काम करदी हाण , म्हारी कई बर हेठ-फेट होई तो में एर हरिंदर दोस्त बण गे | एक दिन हरेंदर मेरे घरां आ गया, नवी मुंबई में ,संडे आले दिन | एर वो एल्बम ठा कें देखण लाग्या | एर जब उने गुलू का फोटू मेरी गेल देख्या , तो उछल कें पड़्या एर खड्या हो कें बोल्या, यो आड़े कुकर, तेरी गेल | में बोल्या , मखा यो मेरे मामा का छोरा स | एर तू कुकर जाणे स इन्हें | फेर हरेंदर ने आपणी या कहाणी बताई किताब बेचन आळी | मन्ने ऊह ताहि कही ,अक मन्ने भी बेरा था ,इस घटना का, पर नु ना बेरा था, अक वो राणा तू-ए था |
होया नु, अक उन् किताबां के पिस्से उन् ने खूब खर्चे | फिल्म देखि एर उराँ-पराँ हंडे गए | जब पिस्से ख़तम हो लिए एर भूख भी लाग आई | तो वे एक ढाबे में बडगे, एर छिक कें खाणा खा लिया | एर जब पिस्से देवाण की बारी आई ,तोह गुलू राणा ताहि बोल्या ,मन्ने कसुती दाब लाग री स में धार मार आऊँ | एर गुलू बैठ के रोडवेज की बस में डाकां आया,ऊ का के भाडा लागे था | एर हरेंदर उड़े देखे बाट गुलू की | इतने वार होगी तोह हरेंदर के बाबू ने पुलिस में रपोट लिखवा दी ,अक महारा छोरा खु गा स्कूल माँ तें | उड़े प्रिंसिपल के पास्णे पाट रे , अक क्लास माँ तें छोरा गया कित |किस्से ने देखा भी कोणी जांदा | उड़े ढाबे आले ने हरेंदर बिठा लिया , अक पिस्से दे, ना तोह तन्ने जावण कोणी दयाँ | सारी रात हरेंदर बिठाए राख्या ऊ ढाबे आले ने, एर फेर आगले दिन छोड्या ओने ,हरेंदर फेर रेल में बैठ कें आया बिचारा बिना टकट | एर आयें पाछे जब हरेदार के बाबू ने यो गेर कें धोया , जब उने बताई अक में गुलू गेल्याँ गया था , एर उने मेरी किताब भी बिकवा दी | फेर दोनु घरां का कसुता रोल्ल़ा होया एर दोस्ती भी टूट गी उनके बाबुआं की | धोखेबाज दोस्त |
 
भाई रविंदर इन का संकलन कर की इक किताब छाप दे. सारा धोरे इन्टरनेट न स, उन जाट आर हरयाणवी भईया क काम आवेगे

अगली पौध में तेरे बर्गे डाकि अल्बादी होने मुश्किल से, आर थोड़े बहोत यूनिवर्सिटी इत्यादी में लिब्ररी में दान दे दिए, जाया ते धरोहर सुरख्षित हो जा.
 
vdhillon said:
भाई रविंदर इन का संकलन कर की इक किताब छाप दे. सारा धोरे इन्टरनेट न स, उन जाट आर हरयाणवी भईया क काम आवेगे

अगली पौध में तेरे बर्गे डाकि अल्बादी होने मुश्किल से, आर थोड़े बहोत यूनिवर्सिटी इत्यादी में लिब्ररी में दान दे दिए, जाया ते धरोहर सुरख्षित हो जा.
Click to expand...

inn albaadyaan ki toh komix er serial banaan ki baat chaal ri s,aagley panney padhey gaa toh beraa paat jayaa gaa.
 
मेरा छोट्ला काका (वो-ए जो मेरे गोला लाठी दिया करदा )जब दशमी में पढ्या करदा | एक म्हारे घरां में ताई थी ,उनके एक नै-नवेली बहु आई थी | वा जब आपनी नन्दआँ गेल्याँ पानी भर कें ल्याई तो नेरे काका ने मजाक बणा लिया ऊ का | अक वा एक छोटी सी टोकणी में पाणी ल्याई थी एर मेरा काका बोल्या अक तन्ने यो-ए लोटा पाया बहु धोरे पाणी भरवान खातर(जब गामां में नलके ना लागे थे ) | जो की कुजडी तें माड़ी सी बड्डी थी | सासुआं की आदत हो स, अक जब बहु नई-नई आवे, तो माड़ा सा लाड प्यार घणा सा दिखाया करें ,एर आछा भी खुवाया करें | पाछे चाहे दूध की थां धोण प्यावें | अक पहली बार जब वा आपने पीहर जावे, तोह आपनी सासू नु घणी आछी बतावे | एर सारी नई बहु आपणी सासुआं के इस चक्कर में फँस्या करें | तो मेरी ताई बोली अक टोकणी छोटी कोणी देवर तू क्यों बकवाद कारन लाग्र्या स | इस्सी लोटे बरगी बतावे स तो तू इंने ठोड बेठ्या पी के दिखा दे | मेरा काका पेटू था घणा कसुता | पहलम भी वो कियां के घरां का चुन शरीत ला कें ख़तम कराया करदा | मेरे काका ने मेरी ताई गेल्याँ शरीत ला ली २० रापियाँ की | जब के बीस रपिये आज के दो हजार की बराबर समझो | एर मेरा काका वा टोकणी ठोड बेठ्या पी गा | एर लाग्या बीस रपिये मांगण मेरी ताई पे | मेरी ताई ने के बेरा था अक यो इसा काम कर दे गा | वा नाट गी पिस्से देवण तें | मेरे काका ने आंगली दे कें मुंह में एर उनके चूल्हे में सारा पाणी गेर दिया उलटी कर कें | पाछे मेरी ताई हंडे सोट्टा लिए | तुरंत बदला वादा खिलाफी का |
 
म्हारे घरां में मेरा एक ताऊ था | वो डाकिया लाग्र्या था गाम का | ऊ की एक आदत थी , अक वो सारी चिट्ठी बंड्या नि करदा | उनका एक कच्चा ओबरा था ऊ में गेर देंदा | में उनके घरां जांदा तो ऊ ओबरे में बड़ के कई बे स्पूतनिक एर कई और रुस्सी पत्रिका जो कई भाई मंगाया करदे, एर यो मेरा ताऊ बंडअन तें बचन का मार्या उन-ने गेर देंदा,ना तो वो उन् ने बेच सके था ,एर ना कोए उन् ने पढ़निया था | वे काढ लांदा, एर पढता ,उन् में सुथरे-सुथरे फोटू छपे रंदे, एर भारत एर रूस के सहयोग, एर परगति की बात छपी रह्या करदी | मेरे ताऊ ने बेरा पाट गया, अक रविंदर पत्रिका काढ ले जा स.उने यो डर लाग्या ,अक कदे यो बता ना दे ,एर ऊ की पोल पट्टी खुल जा | मेरे ताऊ ने मेरे पे पर्तिबंध ला दिया, अक तू उत बालक स म्हारे घरां नि बड़ जा गा | एर मेरी ताई ताहि बोल्या ,अक यो किम्मे हो चोरी कर ले जा गा ,इन्ने बडन ना दिया कर | उनके इस्सा किम्मे था भी कोणी, चोरी करण जोगा | सारी हान तो, किम्मे ना किम्मे ,म्हारे तें मांगे जाया करदे | मन्ने सोची किस्सा जल्खोरा मानस स ,ईह का किम्मे जाब्ता बांध्या जाणा, चाहिए | थोड़े दिना में चोमासे आगे | एर उनका घर म्हारी हेली के सहारे-ए पड़े था | मन्ने ऊह के कच्चे ओबरे में बिल खोद दिया जानू तोह मुस्स्याँ ने खोदया हो | असल में एक मुस्सी लागरी थी ,सहज-सहज तो मन्ने आइडिया आग्या, अक ईह बिचारी का काम में-ए कर दयूं | पाछे यो आइडिया हमने होसियार सिंह पे भी अपनाया था, पाछली एक अल्बाद में मन्ने लिखा भी था | पहलम तो मेरे ताऊ ने बेरा नि पाटया , एर फेर ऊ का ओबरा पानी का भर लिया ,एर जब पानी साल में बडन लाग्या, इतनी वार होली थी | ऊ ने वो सारा सोदा, कम तें कम ४-५ रह्डुए भर जयां ,घर तें बाहर गेरणा पड्या| एर सारे गाम ने बेरा भी पाट गया ,अक चन्दगी(डाकिया ताऊ ) सारी छिट्ठी बंड्या कोणी करदा | ऊ की सारी छात भीज कें एर भार्या हो-ली थी | एक दो दिन में ऊ का वो ओबरा पड़ भी गया | पढ़निया मुस्सा भाजाण का दंड मिल गया | अल्बादी मुस्सा |
 
या बात मेरे काका कँवल सिंह ने बताई थी | जब वे दशमी में पढ्या करदे, तो उन् ने रोहतक तें एक भेंन्जी (मास्टरनी ) पढ़आण आया करदी | वा बाणनि थी जात की | माड़ी- माड़ी बातां पे हेडमास्टर धोरे शिकात कर दिया करदी | जब सी स्कूल में बड्डे-बड्डे कुंगर पढ्या करदे | २०-२२ साल के ,कोए-कोए तो २-२ बालकां का बाबू भी होया करदा | एर ये इस्से थे ,अक बात -बात पे हँसे बिना ना रंदे | वा भेंजी पहली बारी गाम में पढ़आण आई थी ,तो उने गामां के बालकां के बारे में घणा बेरा ना था | वा नु सोचदी ,अक ये तन्ने देख-देख हँसे सें | एक दिन वा धोळी साड़ी बाँध आई | बालकां ने (कुंगरआं ने ) जब भी वा बोर्ड पे लिक्दी,वे पेन की श्याही झटक-झटक कें मारदे | जब फाउन्टेन पेन चाल्या करदे | बाल पेन ना चाले थे, जब ताहि | जब वा भेंजी स्टाफ रूम में गयी ,जब उने बेरा पाट्या अक ऊ की गेल के करी स | उने फेर हेडमास्टर धोरे शिकात कर दी, एर सारी क्लास ने सारे दिन ,फेर घाम में खड्या रहना पड़्या |पर किस्से ने भी बताई कोणी, अक किन्हें छिंडे मारे सें | फेर जब पाछे वा चढ़फांसी (हाम मजाक में चपड़ासी नु कह्या करदे ) नु गेल्याँ लावण लागी | एर उहने बालकां में बिठा देंदी ,एक कदे कोए ,फेर छिंडे ना मारदे | बालक उने और घणे सतावाण लागे फेर जिब पाछे | थोड़े दिना पाछे बिचारी आपणी बदली करवा कें भाज्गी | जय कूंगर देव |
 
You must log in or register to reply here.
Back
Top