albaadi baalkaan key kissey.

[ravinderjeet]

म्हारी गाळ में एक बुड्ढा था ( वो ए जिसकी लान्गड़ खींची थी ) | वो बालकां नु खेलन ना दिया करदा , मारण भाज्दा, गाली बकता | उका बड्डा छोरा न्यारा होगया तो घेर में वे बाडन तें बरज दिए एर ना ओन्ने डांगर बांधन्न दे | उका पोता माहरे हाण का था वो बोल्या यो म्हारा दादा हामने घणा सतावन लाग्रया से आओ इने भी सतावां गे | ऊ बूढ़े की एक आदत थी अक वो रात नु आपनी खाट बिछा कें फेर घरां रोटी खाण जाया करदा | एक दिन जब वो घरां गया तो उकी बिछे होए गूदडाँ पे बोबर लीप आये एर जब वो रोटी खा कें आया अँधेरे में उने किम्मे धिख्या तो आथ ना | सीधा गोबर स्नान होग्या | फेर हांडया सारी रात नाह्न्दा , गूदडे धोन्दा ,गाली बकता |

 

[ravinderjeet]

या बात माहरे ताहि मेरी छोटी बुवा जी ने बताई थी | जब मेरा फूफा मेरी बुवा ( बड्डी ) नु लेवन आया तो इनने उनका मजाक करण की सोची | एक बिना भरी होई खाट लें कें एर ऊमे सूत पूर दिया एर ऊ पे एक नया खेस बिछा दिया | एर जब वे रोटी खावन खातेर बुलाये तो उपे बिठा दिए ( बैठे थे किथों ) सिद्धे खाट कें महां घल गे | ऊ दिन पाछे मेरा फूफा खाट नु कई बे झाड-झाड कें देख्या करदा |

 

[karan]

जब हाम दसमी में पढ्या करदे | तो माहरे गाम में एक कम सी उमर के मास्टर की बदली होगी | वो गणित एर अंग्रेजी पढ़ाया करदा | उका नाम एर गाम तो इब याद कोणी | एर मेरे ख़याल में उकी उनके घर्कयाँ गेल्यां कीमे रोला था, इस्सा सुनन में आया था ,तो हेड मास्टर ने ऊती स्कूल में-ए एक उपरली मंजिल पे कमरा दे दिया रहन खातर | थोड़े दिना में उने एक्स्ट्रा इन्कोम खातर टूशन पढ़ाना शुरू कर दिया | पहलम हाम ३-४ बालक जावन लागे थे पर एक मिहना होंदे -होंदे १५-२० जने होगे | १ मिन्हा गया ,२ मिन्हे गए कई बड़े-बड़े कुंग्रा ने ऊती पिस्से कोणी दिए | पाछे बेरा पाट्या अक वे घर्कयाँ धोरे तो पिस्से ले आंदे पर मास्टर तै देण की बजाय उन पिस्सां की फिलम देख लेंदे ,के खाण - पीण में खर्च कर देंदे | जब मास्टर ने घणी दाब लायी तो उनने एक पलान बनाई | कम्बल परेड | पहल्ड़े दिन तो उनने आपस में -ए एक जाने पे खेस गेर कें एर लाईट बंद कर कें गूंसे लात मारे फेर एक दो जणा गेलायाँ और नु ए करी | एर तीसरे दिन लाईट बंद कर कें एर मास्टर के इतने भुन्ड़े मारे अक उने टूशन के पिस्से तो भूल गया आपने हाड संभालने मुस्किल होगे| एर आगले दिन तें टूशन बंद |माहरे बर्गे सीधे - साधे बालकां का भी नुक्सान हो गया |

अरे रविंदर तू मानने सुधा साधा बालक नाह लगता तेरे करे ओड पुअर्रे सें, मन्ने इस्सा लागगे से तू ईब येह काम करदा होगा अपनी नौकरी पे

 

[karan]

Ravinder

म्हारी गाळ में एक बुढिया थी ( मेहर सिंह की माँ जी का रहडुआ हामने जोहड़ में बगाया था ) | ऊके तीन छोरे थे फेर भी वा न्यारी रह्या करदी | घनी लडोक थी एर चुगल खोर भी | उकी एक भुंडी आदत थी ईंट ठा-ठा लावन की | गाळ में पड़ी हों के किस्से का बहरने आगे खडंजा हो उने ईंट ठा कें लायानी जरूर | उने म्हारे घेर के ओटअड़े की घनी सारी ईंट ठा राखी थी | ऊती कई बे समझाई ऊके छोर्यां ताहि भी कही पर वा मानी कोणी | उने एक आछा बड्डा चट्टा बना राख्या था | ऊती हामने नु भी दिखा लिया अक ये ईंट म्हारी से ईंट बट्ठे के नम्बर दिखा कें भी समझावन की कोसिस कर ली पर उने के मानना था | अक दिन वा रोहतक चाली गई एर मन्ने एर मेरे भाई ने मिल कें रह्डू ल्या कें उकी सारी ईंट घाल ली एर शेड दे सी नु मिस्त्री बुला लिया एर वे सारी ईंट ओटडे में चिन दी एर ऊपर के गेर दी सीमट | फेर वा हांडी टीं-टीं करदी | पर उने मरे ते घनी करड़ी दुश्मनी पाळ ली | एक दिन में म्हारी चोंतारियाँ पे बैठ्या था | तो उने बोल-बाली नु आकें मेरे भाठा मार्या सर में | दो साल लागे वो गोला ठीक होवन में | मरण नु मर गी पर दुश्मनी निभाई इतने ज़िंदा रही |

ईब बेरा लाग्या तेरा दीमांक क्यों खराब होया, सारा कसूर उस बुढ़िया का से.

 

[ravinderjeet]

Ravinder


ईब बेरा लाग्या तेरा दीमांक क्यों खराब होया, सारा कसूर उस बुढ़िया का से.

budhiyaa ke maarey tein pahalam bhee me albaad karyaa kardaa. par deemaag to manney budhiyaa kaa theek karyaa thaa. fer oone eent thaani chhod dee thee.

 

[ravinderjeet]

अरे रविंदर तू मानने सुधा साधा बालक नाह लगता तेरे करे ओड पुअर्रे सें, मन्ने इस्सा लागगे से तू ईब येह काम करदा होगा अपनी नौकरी पे

naa bhaai me kati sudhaa maanas soon kahanaa raj foughat kaa ak mey jalabi ki dhaalaan meethaa soon.

 

[ravinderjeet]

एक बार की बात से कोए त्यौहार था | मेरी दादी ने मेरे पे कई काम करवा लिए निरणा बास्सी | एर मन्ने जब नु कही अक दादी मन्ने भूख लाग री से तो नु बोली अक जा पहलम बामनां के सिद्धा दिया | मेरे छो उठ्या पर में वा थाली जी में खीर हलवा एर एक आध और भी चीज घाल राखी थी उने ले कें नु चाल पड्या | एर सिद्धा गया म्हारे घेर में एर बामन बन्न कें में पहर गया सारा सौदा | एर जा पकड़ाई थाली मेरी दादी ताहि | पाछे मेरी दादी हंडे मन्ने टोहांदी अक छोरे ने किम्मे खाया कोणी से | मेरी दादी नु कई दिना पाछे बेरा पाट्या जब बामनी ने मेरी दादी ताहि नु कही अक एब्बके थारे तें सिद्धा कोणी आया |

 

[deepshi]

एक बार की बात से कोए त्यौहार था | मेरी दादी ने मेरे पे कई काम करवा लिए निरणा बास्सी | एर मन्ने जब नु कही अक दादी मन्ने भूख लाग री से तो नु बोली अक जा पहलम बामनां के सिद्धा दिया | मेरे छो उठ्या पर में वा थाली जी में खीर हलवा एर एक आध और भी चीज घाल राखी थी उने ले कें नु चाल पड्या | एर सिद्धा गया म्हारे घेर में एर बामन बन्न कें में पहर गया सारा सौदा | एर जा पकड़ाई थाली मेरी दादी ताहि | पाछे मेरी दादी हंडे मन्ने टोहांदी अक छोरे ने किम्मे खाया कोणी से | मेरी दादी नु कई दिना पाछे बेरा पाट्या जब बामनी ने मेरी दादी ताहि नु कही अक एब्बके थारे तें सिद्धा कोणी आया |

ur Haryanvi is plain amazing..just too good..hilarious..
keep rocking

 

[rajkphogat]

naa bhaai me kati sudhaa maanas soon kahanaa raj foughat kaa ak mey jalabi ki dhaalaan meethaa soon.

Rey bhai

Mere naam ki raid kyoon marey se...................

 

[ravinderjeet]

ur Haryanvi is plain amazing..just too good..hilarious..
keep rocking

deepshi ji dhanayawaad ! kissey nu to taareef kari , naa to ghankharey majaa-majaa lawen laagrey they.

 

[ravinderjeet]

Rey bhai

Mere naam ki raid kyoon marey se...................

bhai terey diye hoye saartifiket kaa faaydaa thaaoon soon.

 

[rajkphogat]

deepshi ji dhanayawaad ! kissey nu to taareef kari , naa to ghankharey majaa-majaa lawen laagrey they.

Achha fer te party bane se bhai

 

[ravinderjeet]

म्हारे गाम में एक गाळ से उने दूकाना आली गाळ कह्या करें | वा गाळ लगभग आधा क.म. लांबी होगी एर पहलम ३० -४० दूकान होया करदी | जिह नु भी दूकान खोलनी होंदी वो ऊ गाळ में-ए खोल्या करदा , एक तरह का बाज़ार सा था | एक भामण के ने नई -नई दूकान खोली एर लाग्या धडा धड डांडी मारण | मेरा एक यारी था सुरेंदर सिंह उनके घर के किम्मे भी मंगांदे नाज के बदले तो वो ऊ में तें माड़ा सा आपना कट मार कें ऊमे जमा कर लेंदा | थोड़े दिना में ऊके ६०-७० रपिये जमा होगे तो दुशेहरा आग्या एर सुरेंदर ने आपणे पिस्से उपे मांगे तो वो नाटगया | भामण ने सोची एक बालक से घरां तो बतावे कोणी एर ऊँ यो मेरा के पाड़ सके से | तो हामने पलान बनाई एक दवाली पे ईनू देखां गे जब दूकानाँ पे घणी भीड़ हो ज्या गी | एर दिवाली पे सुरेंदर तो हामने बाहर खड्या कर दिया दूकान के एर हाम ७-८ जन्ने उकी दूकान में बडगे कट्ठे हो कें लालटेन के चांदणे में उने आपने धोरे के तो दीखे था एर दूर का उने किम्मे बेरा कोणी पाट्या एक के होवण लाग्र्या से | ३-४ जाण्या नु तो वो घेर लिया , बातां में उलझा लिया | भा- भू करण लागे एर इतने में हामने उकी दूकान में जितने बम्ब- पटाके थे वे सारे साफ़ कर दिए एर बाहर खड़े सुरेंदर ताहि पास करदिये | सुरेंदर बाँध के गठड़ी डाकां गया | एर वा दवाली म्हारी मजे ते मन्नी |

 

[ravinderjeet]

Achha fer te party bane se bhai

jih ne taarif kari ooki paarty bane se , kher jab party hogi to tanney bhee bulaa lyaan ge . oon to jat-jat ki 100 kos ki yaari.

 

[ravinderjeet]

में जब युनिवेर्सिती कॉलेज में पढ्या करदा, नया -नया दाखला लिया था कोलेज में | तो एक बे सारे कोलेजां ने मिल कें हड़ताल करण का फेसला करया | मेरी उम्र भी १४ साल थी एर गात का भी में में माड़ा था | एर एक छोरा और म्हारे गाम का वो १-२ साल मेरे तें बड्डा था पर था मेरे तें भी नरम | जब हाम चाले वइस चांसलर की कोठी कानी तो जो लीडर थे वे हाम दोनुआ नु भजान लागे अक स्कूल के बालक नि जा सकदे | तो म्हारे कोलेज के जनरल सक्रेटरी ने कही अक ये म्हारे कोलेज के सें जब जा कें हाम ऊ हड़ताल में भाग ले पाए | उनने हाम दोनु मोर्चे में आगे आगे कर दिये हाथां में तख्ती लें कें | गापन वि सी नु दे कें एर फेर हाम चाल पड़े डि सी के ऑफिस कानी जो कचहरियाँ धोरे था | उड़े पहलम तो भासन बाजी होंदी रही फेर बेरा ना के होया पुलिस ने लाठी चार्ज कर दिया | बाकी छोरे तो फंस गे एर हाम दोनु छोटे होणे के कारण ताराँ तले के लिकड़ कें भाज गे सोनीपत स्टैंड कानी | थोड़ी वार पाछे बाकी स्टुडेंट भी भाजे- भाजे आये एर वे सर छोटू पार्क कानी भाज गे | उने के पाछे-पाछे पुलिस लागरी थी | पुलिसयाँ ने हाम स्कूल के बालक समझे एर म्हारे पे बुझी अक तमने कोलेज के छोरे देखे कीतोड भाज गे | हाम ने उने ताहि नु कह दिया अक वे शीला बाई पास कानी गए | एर कुछ पुलिसिये हाम ने अशोक टाकिज कानी भजा दिए | म्हारे साथी बच गे लठ खान तें हामने म्हारे छोटे होवन का फायदा ठाया |

 

[sitaram]

Ek matra Samazdari bhara or Achchha Kaam.

Salaam.

 

[ravinderjeet]

Ek matra Samazdari bhara or Achchha Kaam.

Salaam.

baaki kaamaa me ke manne lokaan ke gandaasey bithaa diye.

 

[karan]

jih ne taarif kari ooki paarty bane se , kher jab party hogi to tanney bhee bulaa lyaan ge . oon to jat-jat ki 100 kos ki yaari.

अरे भाई रविंदर ले तह में भी तेरी प्रसंशा के पुल बाँध द्यूं सूं, तेरी हरयाणवी बहुत बढ़िया, extraordinairre and extempore. इब ते सारा गुहांड पार्टी में आवेगा

 

[yudhvirmor]

Ravinder shukar hai tere barge sarre tharee gaam main hain.. Naa toh gahane gaam kharab howeien hoon..

Woh chora joh chasme khosa karta... woh toh sarre gaam main uparla thaa bhai..

 

[ravinderjeet]

अरे भाई रविंदर ले तह में भी तेरी प्रसंशा के पुल बाँध द्यूं सूं, तेरी हरयाणवी बहुत बढ़िया, extraordinairre and extempore. इब ते सारा गुहांड पार्टी में आवेगा

karan bhaai

tum te bhai party ke maarey dusryaan nu dekh kein taarif karo so , yaa to aapne aap honi chaahiye jaa achhaa laagyaa ho to. me aadey mumbai me mere dostaan me khayaati paraapt soon khaamkhaa party lewan er dewan khaater , er kabbey bhee aajayio mumbai kani ek fone kar liyo thaari saarayaan ke paty pakki.