Haryanvi Paheliyaan (Part 1)

[nainsunil007]

छोटी सी बडबेरी ,
हरे -हरे बेर ,
जो भी खावे,
हो जावे ढेर |


बताओ के ?

मिरच..........

 

[ravinderjeet]

मिरच..........

सही जबाब सुलील ,तेरे ताहीं एक बुख्टा मुंह भर के मिरच्यां का इनाम में |

 

[ravinderjeet]

इस्सा घोड़ा देख्या आज,
जिह का पुन्झड़ दे दाब ,
मुंह मांह के आवे आब ||


(आब = पाणी )


बताओ के ?

 

[jsrana]

चिर्मठी तै मन्ने कहे करे, के हो है यो ?

Chirmathi चिरमठी (i) The tiny fruit of a wild parasite plant लाल-पीले रंग का अम्बरबेल का फल जो मटर के दाने से छोटा होता है (ii) Small naughty girl with sharp features पैने नख-शिख वाली लड़की |

http://www.jatland.com/home/Glossary_of_Haryanavi_Language#C

 

[nainsunil007]

इस्सा घोड़ा देख्या आज,
जिह का पुन्झड़ दे दाब ,
मुंह मांह के आवे आब ||


(आब = पाणी )


बताओ के ?

नलका..........

 

[sure]

इस्सा घोड़ा देख्या आज,
जिह का पुन्झड़ दे दाब ,
मुंह मांह के आवे आब ||


(आब = पाणी )


बताओ के ?

View attachment 15349

Yo aala Nalka.

 

[ravinderjeet]

नलका..........

सही जबाब सुलील ,तेरे ताहीं एक डिब्बा पाणी का ,इनाम में |

 

[ravinderjeet]

वा कुणसी चीज स जो
कार के पाछे आवे स ,
रेल क आगे आवे स ,
टरक के बीचाले आवे स ?

 

[vijaykajla1]

वा कुणसी चीज स जो
कार के पाछे आवे स ,
रेल क आगे आवे स ,
टरक के बीचाले आवे स ?

धुंआ/साइलेंसर होना चाहिए !!!

 

[rana1]

वा कुणसी चीज स जो
कार के पाछे आवे स ,
रेल क आगे आवे स ,
टरक के बीचाले आवे स ?

.....र....

 

[ravinderjeet]

.....र....

"र" के करर्या स "र" | सही जबाब राणा ,तेरे ताहीं एक "र" इनाम में |

 

[ravinderjeet]

पहलम ते में जन्म्या ,
फेर जन्मी मेरी माई ,
रगड़-धगड़ के बाबू जन्म्या ,
पाछे जन्मी मेरी ताई ||


बताओ के ?

 

[jsrana]

धुम्मा हो स के ?

 

[ravinderjeet]

धुम्मा हो स के ?

ना राणा जी , गलत जबाब स | इशारा :- ये चारुं खाण -पीण की चीज सें |

 

[dndeswal]

.

रवीन्द्र, तागा घणा लाम्बा होता जावै सै - डर लागै सै कदे इसपै ताला ना लाग ज्या । मन्नै wiki पै Harayanvi Paheliya पेज देख्या सै -

http://www.jatland.com/home/Harayanvi_Paheliya

इसमें ये सारी पहेली कोई लिख दे अर ब्रेकेट में इनके जवाब भी लिख दे, तै घणा आछ्या काम हो ज्यागा । एक जगह collection ठीक हो सै - तागे तै ऊपर-तळै होते रहैं सैं अर बंद भी हो ज्यां सैं ।

.

 

[narvir]

पहलम ते में जन्म्या ,
फेर जन्मी मेरी माई ,
रगड़-धगड़ के बाबू जन्म्या ,
पाछे जन्मी मेरी ताई ||


बताओ के ?

दूध ,दही ,घी आर लस्सी

 

[ravinderjeet]

रवीन्द्र, तागा घणा लाम्बा होता जावै सै - डर लागै सै कदे इसपै ताला ना लाग ज्या । मन्नै wiki पै Harayanvi Paheliya पेज देख्या सै -

देशवाल जी ,आप क्यूँ इशारा दयो सो मोड़याँ ताहीं , दूसरी बात या स अक मन्ने कई साईटआँ पे ६००-७०० पेज के तागे देखे सें ,उड़े ते किम्मे लोढ ना पडदा सर्वर पे ,ते आड़े भी नि पडना चाहिए |

http://www.jatland.com/home/Harayanvi_Paheliya

इसमें ये सारी पहेली कोई लिख दे अर ब्रेकेट में इनके जवाब भी लिख दे, तै घणा आछ्या काम हो ज्यागा । एक जगह collection ठीक हो सै - तागे तै ऊपर-तळै होते रहैं सैं अर बंद भी हो ज्यां सैं ।


ये-ए सारी पहेली रमा कटारिया ने संकलित कर के ने (में उनका आभारी हूँ ) समर सिंह कादयान ताहीं दी थी ,फेर उहने यु उप्पर आला लिंक जो आपने दे राख्या स वो पेज बनाया था | उपरोक्त लिंक आले पेज पे ४०५ नम्बर ताहीं की पहेलियाँ के जबाब रमा कटारिया ने पाछले हफ्ते संकलित कर के ने समर धोरे भेजे सें ,वो बखत मिलेगा जब इस पेज पे वे जबाब भी लिख देगा ,जो की नीचे एक लिंक के रूप में (न्यारे पेज पे ) होंगे | ४०५ नम्बर की पहेली के पाछे जिन्नी भी पहेली इह तागे में छाप्पी गई सें या छाप्पी जावेंगी ,वे अर उनके जबाब रमा आपनी परीक्सा ख़तम करें पाछे संकलित करेगी, अर फेर समर उहने उपरोक्त पेज पे छाप दे गा ( यु काम एक टीम वर्क के रूप में करया जाण लागर्या स ) |---- साद भावनाओं सहित |

 

[ravinderjeet]

दूध ,दही ,घी आर लस्सी

यु फेर क्यां ताहीं चाप दिया ,जबाब कित स नरवीर भाई ?


[FONT=Verdana, Arial, Tahoma, Calibri, Geneva, sans-serif]बेरा ना के होर्या स , जबाब दिखदा कोणी अर ,बस पहेली फेर छाप्पी दिखे स ,अर जब मन्ने जबाब दिया ते पहेली की बजाय जबाब छप्प्गा | [/FONT][FONT=Verdana, Arial, Tahoma, Calibri, Geneva, sans-serif]
[/FONT]
[FONT=Verdana, Arial, Tahoma, Calibri, Geneva, sans-serif]जबाब सही स नरवीर , तेरे ताहीं इनाम में एक बाल्टी सीत पीवण ने |[/FONT]

 

[ravinderjeet]

[FONT=Verdana, Arial, Tahoma, Calibri, Geneva, sans-serif]एक थाल मोतियाँ भर्या,[/FONT]
[FONT=Verdana, Arial, Tahoma, Calibri, Geneva, sans-serif]सब तें उप्पर उलटा धरया ,[/FONT]
[FONT=Verdana, Arial, Tahoma, Calibri, Geneva, sans-serif]चारुं ओड घुमदा फिरया,[/FONT]
[FONT=Verdana, Arial, Tahoma, Calibri, Geneva, sans-serif]फेर भी एक भी मोती तले ना पड्या|[/FONT]
[FONT=Verdana, Arial, Tahoma, Calibri, Geneva, sans-serif]
[/FONT]
[FONT=Verdana, Arial, Tahoma, Calibri, Geneva, sans-serif]बताओ के ?[/FONT]

 

[nainsunil007]

एक थाल मोतियाँ भर्या,
सब तें उप्पर उलटा धरया ,
चारुं ओड घुमदा फिरया,
फेर भी एक भी मोती तले ना पड्या|


बताओ के ?

या तो घणी पराणी पेहली चेप दी आपनै
आसमान अर तारे.......