Haryanvi Paheliyaan (Part 1)

Status
Not open for further replies.
kuldeeppunia25 said:
दुनिया की ना आ बाता म ,
किते घनी बदमास किते थोड़ी ,

खड़े खड़े न धोखा दे जा ,,,,,,,,
बांधे घोडा अर बतावे घोड़ी ,,
Click to expand...

मन्ने लागे तन्ने कोए धोखा दे गी ,
काल जरूर फेटूंगी , न्यू कहगी |
होगा कोए छोरा , बतागी छोरी |
बाँध ले घरां जिस्सा भी स ,
चाहे घोड़ा हो , चाहे घोड़ी |
 
गोस्स्याँ का पलंग बिछाया
आग दी खावण ने
बेशक ना जबाब दियो
जा डर लागे बतावण में


बताओ के ?
 
स वो कसुता चालणा
ना चाले ते खोटा
धोरे तें जावे जर
पड जा घर में टोटा




बताओ के ?
 
मोर की पूंछ में
चन्दा की मूंछ में
नाम मेरा हथियार
तावला बता मेरे यार


बताओ के ?
 
सही जबाब रांणा जी | कटार ,कटारी कह दिया करें इहने | @ सुलील ,मोरपंख में तीन ढाल की पाँख होया करें १) चंदे =जिह में गोल आँख सी बनी रह्या करे २) कटार = इह में एक ओड ने रूंगट़े होया करें अर कटार की ढाल दिखया करे ३) धज = या धवज का बिग्ड्या होया अपभ्रंश स ,इह में उप्पर किम्मे भी ना होया करे बस अंत में बिचाले तें रूंगट़े पाट के दोनु ओड ने हो जाया करें जुकर झंडा वि शेप में कट्या होड़ होया करे | आप ताहि गान्डली इनाम में ,दुवाली आवे स ,राणा जी आपनी मेन्ह्स्याँ के बाँध लिओ |
 
Status
Not open for further replies.
Back
Top