Haryanvi Paheliyaan (Part 1)

Status
Not open for further replies.
Malikpriya said:
yu "te" k soda hai mane to aaj e suna !!
Click to expand...


यु सौदा कोणी ,यु एक पक्षि स | कबूतर बर्गा हो स पर कबूतर तें माडा सा हल्का मटमैला रंग हो स अर माडा सा कबूतर तें इह का शरीर भी हलवा हो स \ इह के गले में एक गोल क़ाला घेरा हो स जाणु ते किहे ने रिंग पहरा राख्या स | जा सकूल में तख्ती ले जांदी ते इह का बेरा होन्दा तन्ने प्रिया |
 
ravinderjeet said:
यु सौदा कोणी ,यु एक पक्षि स | कबूतर बर्गा हो स पर कबूतर तें माडा सा हल्का मटमैला रंग हो स अर माडा सा कबूतर तें इह का शरीर भी हलवा हो स \ इह के गले में एक गोल क़ाला घेरा हो स जाणु ते किहे ने रिंग पहरा राख्या स | जा सकूल में तख्ती ले जांदी ते इह का बेरा होन्दा तन्ने प्रिया |
Click to expand...
iska takhti te k sambandh hai ?
 
Malikpriya said:
Baarish.......?
Click to expand...


तू दीखे ते मतलब ,जब वा दीखे ते बादल रोवे यानी बारिश होवे ,के दीख्या करे मिंह बरषण तें पहलम | तख्ती ले जांदी ते ..........समझ ते तू गई होगी प्रिया |
 
Malikpriya said:
iska takhti te k sambandh hai ?
Click to expand...

पढ़ाई का तख्ती तें अर तख्ती का ज्ञान तें सम्बन्ध स | अर हांसन खातर घणे सम्बन्ध ना देख्या करें बस हान्स लिया करें |
 
ravinderjeet said:
पढ़ाई का तख्ती तें अर तख्ती का ज्ञान तें सम्बन्ध स | अर हांसन खातर घणे सम्बन्ध ना देख्या करें बस हान्स लिया करें |
Click to expand...
mane sochi haasan khatar b takhti chahiye thi ........:cool:
 
ravinderjeet said:
यु सौदा कोणी ,यु एक पक्षि स | कबूतर बर्गा हो स पर कबूतर तें माडा सा हल्का मटमैला रंग हो स अर माडा सा कबूतर तें इह का शरीर भी हलवा हो स \ इह के गले में एक गोल क़ाला घेरा हो स जाणु ते किहे ने रिंग पहरा राख्या स | जा सकूल में तख्ती ले जांदी ते इह का बेरा होन्दा तन्ने प्रिया |
Click to expand...

जब या टे म्हारी मंडेर पे आया करती तो मेरी दादी कुछ कहया करती.. मेरे ढबसरिया तो याद कोणी पर कुछ इसा-इसा था
"कूटुन थी, पीसुं थी..
आया था, चूल्हा फोड़ के गया था !"

आगे याद कोणी इब | रविंदर भाईसाब, जे आमता हो तो गेरीयो माडी रौशनी इह पे भी |
 
ravinderjeet said:
यु सौदा कोणी ,यु एक पक्षि स | कबूतर बर्गा हो स पर कबूतर तें माडा सा हल्का मटमैला रंग हो स अर माडा सा कबूतर तें इह का शरीर भी हलवा हो स \ इह के गले में एक गोल क़ाला घेरा हो स जाणु ते किहे ने रिंग पहरा राख्या स | जा सकूल में तख्ती ले जांदी ते इह का बेरा होन्दा तन्ने प्रिया |
Click to expand...
haam to takhati bhi le gaye thee .. haam ne bhi nahi bera tha ,... koi na le ..... aaj bera pat gaya :):)
 
navdeepkhatkar said:
haam to takhati bhi le gaye thee .. haam ne bhi nahi bera tha ,... koi na le ..... aaj bera pat gaya :):)
Click to expand...

भाई नवदीप , तू तख्ती ले जाया करदा पर सर फोडन खातर ,पढ़न खातर कोणी ले गया तू | एक बे एक छोरे गेल्याँ मेरी लड़ाई माच गी थी | उहने मेरी तख्ती के बीचाले आपणी तख्ती खड़ी मार दी अर मेरी तख्ती बीचाले तें इस्सी ढाल पाट गी थी अक उह का एक कुणा तलवार की चोंच की ढाल पैना हो गया था | अर मेरे उह तख्ती की हालत देख के ने कसुता छो उट्ठया , अक मखा इब्ब मेरा काका मेरे गोला लाठी देवेगा | मन्ने ते ठा के ने वा तख्ती ,अर उह छोरे के सर में गोभ दी ,खून का बम्बा फुट गा उह के | वो छोरा बदमाश मान्या जा था क्लास का | जब मेरा काका भी सकूल में-ए पढ्या करदा दशमी में ,उह ने में मासटराँ की पिटाई तें बचाया ,पर जब पाछे उह छोरे ने (वो शायद छटी= सात्मी ताहीं भी ना पढ्या ) मेरे कानी कदे आँख ठा के भी नि देख्या | मेरे इब्बी उह छोरे का नाम याद स -अजित सिंह |
 
सूरज की जाई ,
बाल (हवा ) में समाई ,
धोखा खा जा ,
सब की बिनाई ||




बताओ के ?
 
Status
Not open for further replies.
Back
Top