Kagaz Ki Kasati - Desi

Status
Not open for further replies.
J

jitendershooda

New member
Yo sofa bhi le lyo ye bed bhi le lyo
mene de dyo wa sani ki khat wa palang purani
Ye Chadar bhi le lyo, ya sod bhi le lo
Mene de dyo wa kharad Purani
Beshak Khoos lyo Mere te Ya meri Jawaani
Par Mene Dedyo Ulte BachPan ke Chaumasse
Wo Gaam ki kurdi wo Johad ka Paani


kade phirani pe thaliyan pe jana
Wo Rundhi Khudiyan ke pache handana
Karde Ghaam mein Galan mein Daammee kahana
We Chidiya We Moor We Maahaal Todna
Wo uunchi phirni wa Bani purani
wo Dada ka Doga, Dadi ki puchkari
wa tutti cycle Wa Buggi berani
Gaam ki Sabte Heli Purani


We Goli, beeti danda er kholiya khelna
We Kutiyan Byan pe Pheeliron pe ladna Jhagadna
Wo Peepal pe te padna, Pad ke Ryadana
We Gande paad ke jheek jheek choosna
We kohlu, We Kohladi, We dahne, we baroli
Wa Hukkyan ki Gud Gud wa Baladhan ki talli....


Johad mein badke rundhi nuhvana
Wo gharkyan te lhook ke danya ki cheejo lyana...
Na kise ka rolla na kise ki chak chak
Na kyanhe ka gam tha na kyanhe ki Chintya
Badi Kaamal thi wa jindgani ....


Beshak Khoos lyo Mere te Ya meri Jawaani
Par Mene Dedyo Ulte BachPan ke Chaumasse
Wo Gaam ki kurdi wo Johad ka Paani....



1. Chadar - BedSheet/2. Sod - Quilt/3. Kharad - healthy Bedsheet Ha ha :) (Dev ji diyo kime
appropriate english word)/4. Khoos - Snetch/5. Chaumasse - rainy season/6. Gaam - village/7.
kurdi - place where dung is put/8. Phirani - surrounding boundary of village/9. thaliyan -
somewhat sandy area where cultivation is not done/10. Rundhi-Khundi - Buffaloes/11. daammee
- roam around/12. Maahaal - Bee hive/13. Bani - area full of vegitation near to village/14.
Baladhan - Ox/15. Johad - pond/16. Kholiya - desi hockey/17. Berani - own by others/18. Heli
- Haweli/19. Kaamal - Good
 
A good piece of literture

Wah Hooda Saheb,

Aap apni poems ko Hindi mein print zaroor karwao. Aap software field mein ho. Ho-sake to inko Hindi font mein convert kara ke Jatland par post karo. Apne literature ka sare desh ko pata lagna chahiye.
 
Bahoot khoobh bhai Jitender!

Bhai aapki kavita pad kar ek wakya yaad agya. Baat mere aur Devji ke beech PMs ke duvara hui thee.

Devji ka to aapko patta hi majaak karte rahte hein.

Barish ke deen the bahut jyada barish hui thi.

Dahiyaji ne majak karte hue message diya --- Risredaar Gaam Dub liya hai- kuchh kra ja te kar liyo.

Maine reply diya, Dahiyaji sunaa to maine bhi hai par ke kra ja sakta hai , aur aisee barish to pehle bhi kai baar hui hai.

Dahiyaji ne majhak mai reply diya, Ristrdaar 'kuchh naa gaam gum se aap ka, kuyon theek baat se naa?

Maine kaha dahiyaji aisa na kaho, meri janam bhoomi hai vo. Vaise to mai bahut hi sunder desh mai rehta hun lekin mere gaon se sunder jagah iss duniya mai mujhe nahi lagti. Vo bhi us samay ka mera gaon jab wahna Koi road nahni thee, na hi bijlee thee, koi hospital nahi, kewal primary school tha.

Iss liye bhai jitender agar mujhse koi ek khawa-ish pooche , to aapne bachpan ke dino ke gaon mai jaana pasand karoonga. Lekin aisa sambhav nahi.

Kash aisa ho sakta!

Cheers!
 
Beshak Khoos lyo Mere te Ya meri Jawaani
Par Mene Dedyo Ulte BachPan ke Chaumasse
Wo Gaam ki kurdi wo Johad ka Paani....


hooda bro ......... katti jhakaas
 
Kya Baat Hei Bhai Chhoryo ?

Jeetu , lathh gaad diya kasutta. Ha...ha..ha...Bhai aatmma sheelli si hogi...issa lagge se jannu khuliya khellan laag rhya suun. Wonderful stuff. Par mei bhi na mannu ibb:



Ya tie bi le lyo, Ye shirtings bi le lyo
De dyo manne ek kuddta arr dhotti
Haath mei dogga ho suthhra sa
Sirr ke uppar barshim ki bharotti

Ye vadde pao le lyo, Ye pao bhajji bhi le lyo
Koe manne de dyo Bathuwe ka rayta
Kaddkaddi si bajre ki motti si rotti,
Phadphaddi ka jadde mei nyara yo jayka

Jallan pe chadhh ke khelann ne Dankka[anka-dankka]
Garmi mei chhotta sa haath aalla pankha
We doghadd phoddun deh-uthhanni ne
Paidda kar ke kitt bhejya uttani nei[ lighter vein]

Kutiya jib byavein, manggan malohtta
Khett mei badgya ranna yo jhotta
Dharr kadhai koe ek bei dikha dyo
Johadd mei mheins ki poochhadd pakdda dyo..............


To be contd..............................
 
Wei chittari-mittari, kalli-pilli goli
Class mei chhora wo tagdda tha rolli
Fadakti aankh olli arr solli


Kumhar ke chakh ka jhadda lawa dyo
Tawale se meri kanpett jhadda dyo
Wei bhirdyaan ke chhitte, wei mithhee nimboli
Baniyan ka geran thhe naaj ki jholli


Banyan bathha dyo, syahi ghalla dyo
Nai ke dhorre hokka bhara dyo
Wei buldhhan ki falssi, wo nalkke ka panni
Wa deeghalo tai wa jehro thi nani.


To be contd........................................
 
Wei kachchi -2 aambbi, wei peellee nimboli
5 pissyan aalli 10 meethhee goli [ek packet aaya karta...khatti-meethhee]
Dangarran ke paali, tagdde-2 haali
Kuchh te dikha dyo tum mere yaro
Manne tum matnya tisaya sa marro.

Wei jamman ke dalhhe, wei jamun kali
Chummasse ka maussam, wei kanssi ki thaali
Angakadde banya karte harre pei tagdde
Panni-paat pe wei bhaiyan ke jhagdde.



To be contd...............
 
Last edited:
Wa master ki pitai, wo patya sa jholla
Wo kachchi si dhotti arr kuddta wo dhholla
Lugaiyan ke geet arr bakkalli bannana
Wo yanna sa kakka arr dadda wo shyana


Shaddi mei thappa, Ghorghaddi karai
Wei merri bhabhi arr bahan maa ki jai
Ke-2 tum dyoge, kuchh bhi tei konya
Jindaggi beet gi...yohe sei ronna.
 
spdeshwal said:
Barish ke deen the bahut jyada barish hui thi.

Dahiyaji ne majak karte hue message diya --- Risredaar Gaam Dub liya hai- kuchh kra ja te kar liyo.
Click to expand...

Deshwal ji ram ram,

mein bhi guhandi e hun aapka. Dev ji mhare Dhamar er ladhot te duba ke gaam sen ram ek boond ger de gib pani bhar jaya kehtan mein par ek baat ya bhi se ek 95 aali baadh mein sare choon choon karen the par mhare aale aram te the kun adat se itna paani den ki te. Ghar ke batya karen ek jis saal mein hua us saal bhi Duba hui thi :)

Kati sahi Deshwal ji we din ke ulte aaven hein par nu hai ek yaad karke ne jee sheela sa ho jaya hai Dev ji aali baat hai.

dndeswal said:
Wah Hooda Saheb,

Aap apni poems ko Hindi mein print zaroor karwao. Aap software field mein ho. Ho-sake to inko Hindi font mein convert kara ke Jatland par post karo. Apne literature ka sare desh ko pata lagna chahiye.
Click to expand...

Bhai saheb jaroor karunga yo kaam bhi..
 
devdahiya said:
Ya tie bi le lyo, Ye shirtings bi le lyo
De dyo manne ek kuddta arr dhotti
Haath mei dogga ho suthhra sa
Sirr ke uppar barshim ki bharotti

Ye vadde pao le lyo, Ye pao bhajji bhi le lyo
Koe manne de dyo Bathuwe ka rayta
Kaddkaddi si bajre ki motti si rotti,
Click to expand...

ULTIMATE DEV ji bahut te badhiya .... aur aan dyo ...


Wo jadya ka tem raat ne jana,
Mauri aane pe paani balana,
We gihvan ke kaurvey, we eenkhan ka nalana,
wa bajre ki chootni, we threessor mein pooli lana,
Wa chandni ratyan mein lavani karana


Mauri - Outlet in the canal for irrigation purposed
balana - to irrigate
gihvan - wheat
eenkhan - sugarcane crop
chootni - to chop off bajra
lavani - cutting of wheat
 
jitendershooda said:
ULTIMATE DEV ji bahut te badhiya .... aur aan dyo ...


Wo jadya ka tem raat ne jana,
Mauri aane pe paani balana,
We gihvan ke kaurvey, we eenkhan ka nalana,
wa bajre ki chootni, we threessor mein pooli lana,
Wa chandni ratyan mein lavani karana


Mauri - Outlet in the canal for irrigation purposed
balana - to irrigate
gihvan - wheat
eenkhan - sugarcane crop
chootni - to chop off bajra
lavani - cutting of wheat
Click to expand...




Bhai jeetu, aankhyan mei panni paradd-2 padd gya. Bohot ronna aagya bhai. Mhare jissi sanskrati arr mharre jisse sudhhe log iss dhartti ke kisse bhi kinarre pe manne konya payye. Thank you so much for taking me for a round of the real world. God bless you.
 
Wei sirssham ki aad, arr laddo ke laad
Wo lakhami ke saang arr taggaddi baadhh
Wei bateoo ke nakhrre, Chhori ka ronna
Wei patalli si thhepaddi, wo chhatt ka sonna


Wei sisim ke thhanssre, wei amrooddan ke baag
Khett mei methha, arr all ki laag
Haath mei kassola, arr tau badd-bolla
Bhadd ke bhugadde, Arr shakkar ka tolla.
 
Dayiaji,


Jadde aur paani ka ossra, maanas maar kaam hai/tha.

Mera bhi ek baar soot baith gya jaan ka.

Gaon chhode te kai saal ho liye the par kheti baadi thodi bahut karliya karte.

Pitaji bole bhai ja aaj panni ka ossra se bhai har ki(chach/ tau ke ladke) kimme madad karwae degha, nu te bera se teri aadat na se.

Bhai har bhole ek tu bhai sirf 'dhori bandhe' dhore batha reh ar Gande chung.

Kime gadbad hojya te rukka mar diye . Ram ke karne hue, aadhi raat pichhe aakand kile ka nambar aagya or dhori bhandha trrawan laag gya. Shak mere bhi hogya ak kaam te bigade ga.

Mein kaambal dur bagga ke or kassi le ke khaddaa e hoya tha Dhori Bhandha saaf. Maine bhi bhaiyna tahi ruka maarya aur ek jhatke mai kurta, pajjama ur jersey kaad ke bandhe ki jagah leyt gaya.

Fatta fat bhai agge aur saaryna ne laag ke Achha majboot bandha la diya. pher unka dhyan meri or gaya. Kachhe-2 mai dekh ke saare haasan lagge aur bolle re reha te gaya fauji ka fauji.

Maine kaha kyno bhai isme faujiyna aali kaunsi baat se. Nu bole latte kadhan ki ke jarut thee nu ka nu kaamal sudha pani mai kud jaata. Aur pher kai kisse suna diya.. ek be kaka Balbir saud sudhna kud gya tha. Ek be Rmesh khesh odde-2 kud gya tha.

Itni der mai maine kapde waapas pehan ke kmbal aud liya or unte poochha ib bolo..re surdyo saari raat geele kapdnya mai jadaaya nahi marta. Ek janna bolya...

Hna bhai ek-adhi te fauji bhi akkal ki baat karde sein.

Iss liye Dahiaji wo time waapas na awe.. bas yaad karte raho aur kavita likhte raho. Kyno bhai Jitu....
 
Great real talk well produced

Sateypal ji, thank you for posting this real VARTAANT.....aissa lagga jannu mei hudde-e naakke pe baithhya thha. Good stuff indeed !
 
Dev ji bahut e badhiya leee bana di er film se chal rahi se pachle dina ki .... ha ha Satepal ji nu theek kaho ho aapne Fauji'ian ki badi haansi karya karen ... aur aan dyo dev ji ...
 
jitendershooda said:
Dev ji bahut e badhiya leee bana di er film se chal rahi se pachle dina ki .... ha ha Satepal ji nu theek kaho ho aapne Fauji'ian ki badi haansi karya karen ... aur aan dyo dev ji ...
Click to expand...




Wei dalhyan pe lataknna,arr khadyan mei patakna
Wei tangge ki sawaari, Doghhadd wei nyaari
Bebe ka totta bandhana,Kheess kadhhana
Wa khatti ki basolli, Seet aali dolli

Ke ke bataun, Yo dil kaal hogya
Yaad karte-2 bera na kodhhanne sogya
Wei naryan ki ghantti, tau ki chantti
Ow pehli alla kayda, arr school ki ghantti
 
Bhai rey Jitender tenne doonda tha diya...poora bhakkad baal diya Dev Sir ne....haans haas ke aankhyan mein paani aa gya bhai... kime bhi to na chhodya...khaat goodad te le ke bathuye ke rayte tak ki baat kar daali...hats off..

aar haan Dev sir Sahi Yaad duwayee...

devdahiya said:
Kumhar ke chakh ka jhadda lawa dyo
Tawale se meri kanpett jhadda dyo
Wei bhirdyaan ke chhitte, wei mithhee nimboli
Baniyan ka geran thhe naaj ki jholli
Click to expand...

Ekk be mere school ke master ne mera kaan pakad ke kheech liye ( needless to say galti meri e thee)...fer k tha....kaan sooj k pakoda sa ho gya...aar meri daadi ne dekh liya aaadhi chhutti mein....

Pehlam to meri dadi khumhaaran k jaake jhada lagwa ke laayee...aar pher us master ka jo haal karya meri dadi ne.....yaad raakhega master...aar mein school k kiwaad dhorey khada khada lakhaoon tha master ki haalat pe...
:D:D:D
 
Hindi mein pesh hai

.
Please see my post on last page on Jitu Bhai's Kavita. On 15th January this year, I had commented :

"Aap apni poems ko Hindi mein print zaroor karwao. Aap software field mein ho. Ho-sake to inko Hindi font mein convert kara ke Jatland par post karo. Apne literature ka sare desh ko pata lagna chahiye."

I am happy to learn that Jitu Bhai has now shown interest in Hindi software and has contributed some Hindi element in Haryanavi Dictionary, apart from compiling rare desi, 'Lupt' words which would soon be available in our dictionary. Now, on my own, I am taking the liberty of presenting his poem in Hindi/ Haryanavi. If you are unable to see Hindi below, please see his English version above (some computers may not support Devanagari fonts).






कागज की किश्ती
(जितेन्द्र सिंह हुड्डा)

ये सोफा भी ले लो, ये बेड भी ले लो -
मन्नैं दे दो वा सणी की खाट, वा पलंग पुराणी
ये चादर भी ले ल्यो, या सौड़ भी ले ल्यो -
मन्नैं दे दो वा खरड़ पुराणी
बेशक खोस ल्यो मेरे तैं या मेरी जवानी -
पर मन्नैं दे दो उल्टे बचपन के चौमासे,
वो गाम की कुरड़ी वो जोहड़ का पाणी

कदे फिरणी पै थळियां पै जाणा -
वो रूंढी-खूंढियां कै पाछै हांडणा
करड़े घाम में गाळां मैं दामी कहना -
वे चिड़िया, वे मोर, वे म्हाळ तोड़ना
वो ऊंची फिरणी, वा बणी पुराणी -
वो दादा का डोग्गा, दादी की पुचकारी
वा टूटी साईकल, वा बुग्गी बिराणी -
गाम की सब-तैं हेल्ली पुराणी

वे गोळी, बित्ती-डंडा आर् खुळिया खेलना -
वे कुतिया ब्यावण पै पिल्यूर्यां पै लड़ना-झगड़ना
वो पीपळ पर तैं पड़ना, पड़ कै रिंडाणा -
वे गन्डे पाड़-कै झीक-झीक चूसणा
वे कोल्हू, वे कोल्हड़ी, वे ढाणे, वे बरौली -
वा होक्कयां की गुड़-गुड़, वा बुळ्धां की टाल्ली

वो जाड्डयां का टेम, वो रात नै जाणा -
मौरी आणे पै पाणी बलाणा
वे गीहवां के कोरवे, वो ईंख का नळाना -
वा बाजरे की चूंटणी, वे थ्रेस्सरां मैं पूळी लाणा
वा चान्दणी रात्यां मैं लामणी कराणा

जोहड़ मैं बड़-कै रूंढी न्हुवाना -
वो घरक्यां तैं लुक कै दाण्यां की चीज्जो ल्याणा
नाह किसै का रौळा, नाह किसै की चक-चक -
नाह क्याहें का गम था, नाह क्याहें की चिन्ता
बड़ी कमाल थी वाह जिन्दगानी...
बेशक खोस ल्यो मेरे तैं या मेरी जवानी -
पर मन्नैं दे दो उल्टे बचपन के चौमासे,
वो गाम की कुरड़ी वो जोहड़ का पाणी
. . . .
 
Last edited:
Is tai badhiya tai koe thread na dekh liya manai aaj tak!
Bus yo nyuai chalta rawai!!

Sochade sochade nyi generation ka jub dhyan aya tai bhot dya ayi inh bichara ki. Lagai hai inai tai kuchh bhi na dekha. Guilty feel hona laag bhaiyo! Modernisation ke chakkar mai naas ho gya sub kyahe ka!!
 
LYO TEI...challan dyo

Wei gandde ki porri,ow sadda sa khana
Chawanni le ke melle mei janna
Wei khettan ke gondde,wei baldhhan ki taalli
Wei tass kheltte budhhe,saarre din thhalli
Wei janttar ke thhanssre,wei chulhe ki rotti
Wa budhhi si khollan,wei kharkki si jhhotti
Wo bhatt ka bharnna,Braatyan mei janna
Garmi ki chhutti,ow johadd mei nhanna
Wa tangge ki sawaari,Holi jalanna
Buldhhan ke khrrera,Wei mheinss nhwanna
Rinttle ki puuni,Sunddu ki chotti
Wei mallai dhar kei,messi si rotti
Ke-2 bataun,mera ji jall gya sara
Meri maa aalli KADHDHHI arr motta sa HAARRA
Mera ji na jalao,mei dukhhi ho liya suun
Yaad kar ke battan nei aadhha ho liya suun.
 
Status
Not open for further replies.
Back
Top