upendersingh
New member
हरियाणा आले यू.पी. आल्या नै आर यू.पी. आले हरियाणा आल्या नै पार के कह दिया करै. हरियाणा के रामफल नै अपना छोरा यू.पी. मैं ब्याह राख्या था. वा रिश्तेदारी ऊहनै बढ़िया फैंट गी तै ऊहनै अपनी छोरी भी यू.पी. मैं ब्याह दी. छोरी नै यू.पी. की भाषा ज्यादा ना आवै थी. एक दिन ऊह्के मन मैं आई कि इब घर के कामां मैं सासू का हाथ बंटवा दूं. तो एक दिन तडके-तड़क बखत उठकै नै अपनी सासू तै बूझण लाग गी अक मांजी, उधम मचा दूं?
सासू नै सोची या नवी-नवेली बहू उधम मचाण की कह है, अल्हड़पणे मैं मजाक करदी होगी. बोली ना बेटी रहण दे. उधम ना मचाया करते. न्यू कहके नै सासू दूध बिलोवण लाग गी. छूटते इ बहू बोली-'मां जी मैं दूध बिलोणे नै इ तो बूझूं थी...म्हारे घरां तै दूध बिलोणे नै ही उधम मचाणा कहया करै. सासू चुप रहगी.
बहू थोड़ी हाण पाछै फेर बोली-'मांजी कुंचा दे दूं? सासू नै सोची कित्ते घर मैं आग लावैगी...बोली ना बेटी तू रहण दे...कुंचा देण की टाळ मार...नु कह कै नै सासू झाड़ू लगावण लाग गी...बहू पड़ दे इ बोली-'मांजी, मैं नु इ तो बूझूं थी...म्हारे घरां तै झाड़ू लगाणे नै कुंचा देणा इ कहया करै...
सांझ सी नै बहू फेर बोली-'मांजी खुड़का करके देख लूं?' सासू नै ज्यादा बात गोरी नी, सोची कासण-कूसण मांजण की बूझदी होगी...बोली कर दे बेटी खुड़का भी...यो काम भी निपटे...
नु सुनते इ बहू भीतर तै भरा होड़ कट्टा लाई अर सासू के धोरे नै आकै फायर ठोंक दिया...सासू के कानां मैं हुई झूं...झूं...बोली...हे अन्याण बता तो देती अक बर्तन मांजण नै के कहया करै तेरे घरां...मेरे तो कान ही बहरे कर दिए...
सासू नै सोची या नवी-नवेली बहू उधम मचाण की कह है, अल्हड़पणे मैं मजाक करदी होगी. बोली ना बेटी रहण दे. उधम ना मचाया करते. न्यू कहके नै सासू दूध बिलोवण लाग गी. छूटते इ बहू बोली-'मां जी मैं दूध बिलोणे नै इ तो बूझूं थी...म्हारे घरां तै दूध बिलोणे नै ही उधम मचाणा कहया करै. सासू चुप रहगी.
बहू थोड़ी हाण पाछै फेर बोली-'मांजी कुंचा दे दूं? सासू नै सोची कित्ते घर मैं आग लावैगी...बोली ना बेटी तू रहण दे...कुंचा देण की टाळ मार...नु कह कै नै सासू झाड़ू लगावण लाग गी...बहू पड़ दे इ बोली-'मांजी, मैं नु इ तो बूझूं थी...म्हारे घरां तै झाड़ू लगाणे नै कुंचा देणा इ कहया करै...
सांझ सी नै बहू फेर बोली-'मांजी खुड़का करके देख लूं?' सासू नै ज्यादा बात गोरी नी, सोची कासण-कूसण मांजण की बूझदी होगी...बोली कर दे बेटी खुड़का भी...यो काम भी निपटे...
नु सुनते इ बहू भीतर तै भरा होड़ कट्टा लाई अर सासू के धोरे नै आकै फायर ठोंक दिया...सासू के कानां मैं हुई झूं...झूं...बोली...हे अन्याण बता तो देती अक बर्तन मांजण नै के कहया करै तेरे घरां...मेरे तो कान ही बहरे कर दिए...
Last edited:
