poem-Zindagi

[mansi1218]

Hello all
This was my 1st poem i posted in www.yoindia.com an year ago
Here's some part of it...actually i was unable 2 view all the pages...(dat thread had more than 20 pages as lotsa people had contributed 2 it.) Hope u all like it!


barasta hai kehar kismat ka jis par
rakhta hai har kadam wo ghis-ghis kar

baitha hai akela footpath par
seh raha jalti garmi uska nanga sar
bhudaape par bhi daya na karta uspe mausam ka keher
ek saa hota uske liye har ek shaam har ek dopeher
dekha aaj kareeb se,sab par nahi n zindagi ki meher

na sar pe chhat hai,na zameen par kuch bichhaane ko
zulmo ke is toofan mein sardi bhi aayi ab keher barsaane ko
jaise mila tha wahi akela gareeb raato-raat sataane ko
na koi apna hai,na aansoo hain kisi par bahaane ko
kehti hai fir bhi zindagi kismat ko yu hi sataane ko

kya kahen jab koi nahin paas gum bhi sunaane ko
us raat ke baad yaaden hi bachi,koi na raha subeh uthaane ko
na koi kuch kehta hai usse,na koi bacha apna kehlaane ko
laga hai apna ateet baaki kuch yaadon ko jhuthlaane ko

khaa gaya hai aashaao ko nichod kar akelapan
sadak hi aaj ban gayi hai uske jeevan ka darpan
dekhta hai sadak ki or ,khoe hue kuch khayalo mein
maano soch raha ho maut kyo na aayi itne saalo mein

kho gaya woh budha shareer anjaan ek mele mein
karta hai baatein bas hawaaon se andere mein
jaane kehta bhi kya hai,kisi ne na suni uski awaaz
daba sa hai khulte ,band hote hothon mein koi raaz

laut rahe hain panchhi ab apne gharo mein
sadak bhi has rahi hai uske soonepan mein
dekh raha hai yu aati-jaati har gaadi ko
jaise ho uski hi hai ye,fir chaahe paas uske koi na savaari ho

shor macha rahi hai saamne khadi sadak
aur upse baras rahi hai ab to sardi bhi kadak
shor mein bhi usko milti ajeeb si shaanti
itna sata kar aaj bhi uski kismat jaise kuch nai jaanti

pathhrayi aankhein uski takti hain sooni raahein
uske hisse bachi bas kuch thandi aahein
likhne se kya lagaoge uski takleef ka andaaza
pooche khud se kab khulega, khushion ka darwaza

 

[vinodks]

Mansi, bahut achhee kavita hai... really good. I would you write in hindi script by using ITRAN or any other script... it would look more appealing... keep writing.

-vinod

 

[devdahiya]

Great Stuff

Truth it is Mansi ma'm. Good poem all the way. Keep it up !

 

[rkumar]

bina saathi ke bhudhapa bahut bhayankar hota hai Mansi ji...theek kaha .. good stuff.

RK^2

 

[sujatadahiya]

Bohot accha likhti hai aap mansi, apki ye poem padh kar muje bhi apni ek arse pehlay likhi hui kuch panktiya yaad aa gai.

"Ye jeevan jeena hai chahe kuch bhi ho jai,
Har shaksh waqth ke sanche mai dhalta jai,
Lakh vipattiya, lakh kathinaiya chahe lakh vipdaei aai,
Jinse than lee chalne ki, chalta jai bas chalta jai,
Sukh dukh toh jeevan ke anubhav hai, lene hi hai,
Sukh se sukhi, log dukh se dukhi toh hote hi hai,
Sukhi hai vo, jo sukh dukh ko matr ek anubhav mane,
Kal kya hoga? na soche, sadd karm kare aur bas chalta jai.

Sujata Dahiya.

 

[downtoearth]

The word is God.
Language is Brahma,
Vishnu and Shiva;
The father, the son,
The devil and Allah.
Its misuse is sacrilegious,
Self-damning and pure hell.
Grammar and diction tell
What we are made of.
Not flesh and bones,
Our essence.

ur poem is full of essence of life

 

[mansi1218]

thanx everyone

nice 1 Sujata mam

The tragedy of life is not that it ends so soon, but that we wait so long to begin it. (nm)

 

[karams]

Realllllly gud!!

Mansi , you have the gift of writing ... Nurture it and many let is fade with the tide of time and those who survive are know for the time to come...
All the best!!
Keep it up...