albaadi baalkaan key kissey.

एक बे म्हारे खेताँ में घनिये कंडआई हो गी थी एर इन् का बीज सरसम बर्गा हो से | मन्ने एर मेरे एक यारी ने मिल कें २-किलो सारे कंडआई के बीज कट्ठे कर कें एर एक बुड्ढे बानिये की दूकान पे जा कें बेच दिए सांझ नु अन्धेरा होए पाछे |एर उन् की तुलवा के टांगरी डांका आये | आगले दिन ऊ बानिये नु जब बेरा पाट्या तो वो आया मेरे दादा धोरे सिकात ले कें | पर हाम नाट्गे अक हाम तो दुकानां कानी कई दिन तें गए भी कोणी सां ,तू झूठ बोले से | पर जब पाछे हाम कुछ भी ले जांदे वो आपने छोरे नु बुला के चेक करवांदा | उस बानिये का सदा खातर म्हारे पर तें विस्वास उठग्या |
 
ravinderjeet said:
या बात माहरे ताहि मेरी छोटी बुवा जी ने बताई थी | जब मेरा फूफा मेरी बुवा ( बड्डी ) नु लेवन आया तो इनने उनका मजाक करण की सोची | एक बिना भरी होई खाट लें कें एर ऊमे सूत पूर दिया एर ऊ पे एक नया खेस बिछा दिया | एर जब वे रोटी खावन खातेर बुलाये तो उपे बिठा दिए ( बैठे थे किथों ) सिद्धे खाट कें महां घल गे | ऊ दिन पाछे मेरा फूफा खाट नु कई बे झाड-झाड कें देख्या करदा |
Click to expand...

haha kasuta kaam ho gaya
 
इब्ब होली आवन लागरी से तो एक किस्सा याद आग्या | म्हारी गाल के एक छोरे ने दावा ठोक दिया अक आज ताहि मेरे कोए लुगाई कोल्डे नि मार पाई से | एर वो था भी कसूता भाजना लूगाइयां को वो थाया भी नि करदा तो ऊके साथ के बाल्कां नु पलान बनाई एर एक जने ने पहर के लुगाई का शूंट एर बना कें जेव्ड़े का कोल्डा एर उका बक्कल तार दिया | वो भाजे एर नु कवेहे अक रे या कूण-या कूण इतने लोकां के समजः में आई इतने उकी आछी होगी सिंकाई | फेर वो कई दिन ताहि खाट में पड़्या-पड़्या कूल्हे गया |
 
जब में यूनिवेरसीटी कालेज में पढया करदा तो बस स्टैंड रोहतक ( पुराना ) पे एक किताबां की दूकान होया करदी | में एर मेरा एक दोस्त जो म्हारे-ए गाम का था अर हाम एक क्लास में भी थे| हाम दोनु उस दूकान पैर तें चन्दा मामा अर लोटपोट किराए पे ले जा कें पढया करदे ( हाम दोनु १४-१५ साल के थे अर इब्बे बालकां आली किताब पढनी छुट्टी ना थी ) छोटा कद होने के कारण हाम उसकी किताबां के फट्टे ताहि-ए पोहंचा करदे | हाम दोनु उपे दो किताब किराए पे लेंदे एर दो उनके तले दिखांदी हाण लूको लेंदे | हामने २-३ मिन्हा में ४०-५० किताब ( पत्रिका ) कट्ठी कर ली एर फेर उस्से ताहि ४०% भा पे उल्टी-ए बेच दी नु कर कें हामने जितना पिस्सा ऊ ताहि किराए का दिया था उन्ना-ए वापस ले लिया था |
 
Bhai jeet

teri albadh padh-2 ki te manne infiriority complex aagya manne isa laggey se mera bachpan te nu e vyarth chala gaya bhai...........
 
rajkphogat said:
Bhai jeet

teri albadh padh-2 ki te manne infiriority complex aagya manne isa laggey se mera bachpan te nu e vyarth chala gaya bhai...........
Click to expand...
meri galyaan rahwey to tanney bhee sikhaa dewoo-a , par ebb ke tu buddhaa hogyaa jit reh udae-a albaad kar liyaa kar , kaadh le kasar. er ebbe to manne 50 albaad aur likhani sein padhey jaawo.
 
में जब ६-७ साल का था | धुलंडी आले दिन एक माहारे घरां में मेरा काका था | ऊके मेरी माँ ने घने कसूते कोल्डे मार दिए तो उपे रोया तो कोणी गया पर कसूता चिड गया एर उने मेरी माँ के धक्का मार के एर वा गंदे नाले में गेर दी | और तो कोए कुछ बोल्या कोणी दुल्हंडी के कारण पर मेरे घणा छो उठया | में उनके घेर में गया एर जितनी सानी उनकी खोरयाँ में एर गंडासे के आगे पडी थी ऊ में गार्या मिला आया | पाछे वो हांडया रोंदा एर उने फेर सानी काटनी पडी | एर उने कदे भी बेरा कोणी पाट्या अक यो काम कीने कर्या था | तुरंत बदला तार कें मन्ने शान्ति मिली |
 
अरे राज तू किसकी बातान में आवे से यो रविंदर पूरा गपोड़ी से हाँ इसका लिखन में कोई जवाब नहीं.

अरे रविंदर और लिखे जा तेरे किस्से पढ़ के थोडा बहुत मनोरंजन हो जय से नह ते सारा दिन Report पढते पढते और Analysis करते दिमाग कती खराब हो जय से सांझ ताहीं

:)
 
karan said:
अरे राज तू किसकी बातान में आवे से यो रविंदर पूरा गपोड़ी से हाँ इसका लिखन में कोई जवाब नहीं.

अरे रविंदर और लिखे जा तेरे किस्से पढ़ के थोडा बहुत मनोरंजन हो जय से नह ते सारा दिन Report पढते पढते और Analysis करते दिमाग कती खराब हो जय से सांझ ताहीं

gapodi kaa matalab jhoothee baat bataaniyaa hoyaa karey. inn me koey jhoothee baat naa se.ek to gapodi bataawe uppar tein nu kahwey ak likhey jaa. donu dhaal ki baat kyuon karo bhai.
Click to expand...
 
म्हारे घरां में एक मेरे ताऊ का लड़का से सतबीर ऊँ तो वो मेरे बाबू के हाण का से पर मेरा भाई लागे था जयां ते हाम ऊ धोरे बैठ जाया करदे | एर वो कई बे म्हारी गैल डांगर चराण भी जाया करदा | एक दिन वो बोल्या भाई मन्ने सुपने में दादा दिखे से| हाम दो तीन जणे थे ऊ ताहि बोले अक वो जयां तें दिखे से एक १५ साल होगे उने मरे नु एर एब्ब ताहि तमने उकी मढ़ी ( समाध) ना बनाई | दादा जी का दाह संस्कार ओने ने खेताँ में कर राख्या था | एर जब वो गुजरा था तो इन् भाइयां ने नु कही थी अक हाम मढ़ी बणावा गे | हाम ने वो डरा दिया एक तू सारे भाइयां में बड्डा से जयां तें तन्ने-ए दीखे से एर तन्ने कुछ जुगाड़ करना पड़े गा ना तो कुछ भी हो सके से | एर जा तू कह तो सांझ नु जा कें भामण पे बुझ आवां | हाम कित बामण धोरे जाँ थे हाम तो खुद -ए बामण थे | सांझ नु जा के ऊ ताहि कह दी अक बामण ने नु कही से अक के तो दोफारी के १२ बजे एर के रात के बारा बजे २ किलो लाड़ू एर दो किलो पताशे उड़े धर दे जित दाग दिया था एर बिना गैल नु (पाछा) देखें एर बिना किस्से तें आंदी-जांदी हाण बात करें यो काम कर दे गा तो फेर ना तो दादा दिखे गा एर ना नुक्सान करे गा | भाइओ उने तो उस्से दिन दोफारी में काम कर दिया | एर हाम ने भी १० मिनट में वो सारा सौदा जीम लिया | मोज होगी | एर उने भी फेर दादा कोणी दिखया |
 
ravinderjeet said:
म्हारे घरां में एक मेरे ताऊ का लड़का से सतबीर ऊँ तो वो मेरे बाबू के हाण का से पर मेरा भाई लागे था जयां ते हाम ऊ धोरे बैठ जाया करदे | एर वो कई बे म्हारी गैल डांगर चराण भी जाया करदा | एक दिन वो बोल्या भाई मन्ने सुपने में दादा दिखे से| हाम दो तीन जणे थे ऊ ताहि बोले अक वो जयां तें दिखे से एक १५ साल होगे उने मरे नु एर एब्ब ताहि तमने उकी मढ़ी ( समाध) ना बनाई | दादा जी का दाह संस्कार ओने ने खेताँ में कर राख्या था | एर जब वो गुजरा था तो इन् भाइयां ने नु कही थी अक हाम मढ़ी बणावा गे | हाम ने वो डरा दिया एक तू सारे भाइयां में बड्डा से जयां तें तन्ने-ए दीखे से एर तन्ने कुछ जुगाड़ करना पड़े गा ना तो कुछ भी हो सके से | एर जा तू कह तो सांझ नु जा कें भामण पे बुझ आवां | हाम कित बामण धोरे जाँ थे हाम तो खुद -ए बामण थे | सांझ नु जा के ऊ ताहि कह दी अक बामण ने नु कही से अक के तो दोफारी के १२ बजे एर के रात के बारा बजे २ किलो लाड़ू एर दो किलो पताशे उड़े धर दे जित दाग दिया था एर बिना गैल नु (पाछा) देखें एर बिना किस्से तें आंदी-जांदी हाण बात करें यो काम कर दे गा तो फेर ना तो दादा दिखे गा एर ना नुक्सान करे गा | भाइओ उने तो उस्से दिन दोफारी में काम कर दिया | एर हाम ने भी १० मिनट में वो सारा सौदा जीम लिया | मोज होगी | एर उने भी फेर दादा कोणी दिखया |
Click to expand...

भाई रविन्दर तू दो किलो पतासे खा गा तने भी चाले पाड दिए, अर लाडू तो ठीक से २/३ मिल क न खा भी ले पर पतासे वे भी २ किलो. भाई तगड़ा गपोड़ी है तू भी, अर भाई गपोड़ी ना है तो मीठे का मकोड़ा है .
 
sanjaymalik said:
भाई रविन्दर तू दो किलो पतासे खा गा तने भी चाले पाड दिए, अर लाडू तो ठीक से २/३ मिल क न खा भी ले पर पतासे वे भी २ किलो. भाई तगड़ा गपोड़ी है तू भी, अर भाई गपोड़ी ना है तो मीठे का मकोड़ा है .
Click to expand...

bhaai 4 jane mil ke ku nahi khaa sakte er saarey khaane jaroori to naa they kimme gojh me bhar liye fer khaan khaatar. er manne nu samajh me ni aandee ek tamne ye baat gapp kukar laage sein.eebey aagey to ee tein bhee baddey baddey kaand likhoongaa.er bhai manne to issaa laage se ak tamne to baalakpan me kimmey karaay koni , bus kitaab chaat-chaat kein bachpan gujaar diyaa dhikhey se.
 
Last edited:
ravinderjeet said:
bhaai 4 jane mil ke ku nahi khaa sakte er saarey khaane jaroori to naa they kimme gojh me bhar liye fer khaan khaatar. er manne nu samajh me ni aandee ek tamne ye baat gapp kukar laage sein.eebey aagey to ee tein bhee baddey baddey kaand likhoongaa.
Click to expand...

अर रविंदर भाई तू तो मजाक में भी सीरियस हो गया, लिखे जा बढिया सैन भाई तेरे किस्से. ईबी इतना ए मीठा खाया करे के कम कर दिया.
 
sanjaymalik said:
अर रविंदर भाई तू तो मजाक में भी सीरियस हो गया, लिखे जा बढिया सैन भाई तेरे किस्से. ईबी इतना ए मीठा खाया करे के कम कर दिया.
Click to expand...

me to pahlam bhee kam khaayaa kardaa er ebbi kammey khaaoon soon par meri gail jo paali they wo ghanaa ghanaa khaaniye they.manne mahaare ghar ke kadey kissey ke jimman naa khandaayaa kardey nu kandey ek yu to noyondey kaa naas kar kein aawegaa . mey 2 tein faaltu laadu naa khaayaa kardaa.
 
ravinderjeet said:
me to pahlam bhee kam khaayaa kardaa er ebbi kammey khaaoon soon par meri gail jo paali they wo ghanaa ghanaa khaaniye they.manne mahaare ghar ke kadey kissey ke jimman naa khandaayaa kardey nu kandey ek yu to noyondey kaa naas kar kein aawegaa . Mey 2 tein faaltu laadu naa khaayaa kardaa.
Click to expand...
रविंदर भाई तू नोते पे जीमन जाया करता जब बेला थाली ना ले क जाया करता के. अर उसमे १० लाडू अर कई जलेबी धरवा के लाम्ता हो गा | अर सारे घर आला का काम चाल जाता हो गा. यो किस्सा भी लख दे | हा हा हा हा
 
Jeet ki Haad Sikai....................

sanjaymalik said:
रविंदर भाई तू नोते पे जीमन जाया करता जब बेला थाली ना ले क जाया करता के. अर उसमे १० लाडू अर कई जलेबी धरवा के लाम्ता हो गा | अर सारे घर आला का काम चाल जाता हो गा. यो किस्सा भी लख दे | हा हा हा हा
Click to expand...


Sanjay bhai

yo te laaduwa aaley kamrey me bad ki bhitar te sakal maar ki khaan me viswaas kare se

Er nu kartey k kiseyney haad sek diye hongey iskey jibbey ya albaadh na likhta............
 
हाम जिब चोथी पाच्मी किलास म ए पढ्या करते | हामने, मन्ने आर मेरे भाई ने प्लान बनाई आक आज स्कूल म नही जावा | आर भाई हाम गये म्हारी माँ धोरे आर जा के नु बोल्ये माँ आज कोय्से मास्टर का ब्याह सै आज छुट्टी ताव्ली हो ज्यागी आर आज पढ़ाई बी ना होवे | माहरी माँ न थोड़ी सी हाण तो रोला राख्या पण हमने मना ए ली आखर म | हमने कहदी आक आज हाड़े इ पढ़ ल्यांगे | हाम थोड़ी सी वार तै पढये आर फेर क्यू डटे थे गये डांका | तो जिब आधी छुट्टी का टेम होया तो बालक आण लागरे तो एक छोरी ( जो म्हारी बैरण होया करती खासकर मेरी , जिब बी कद्दे मेरी पिटाई होया करती या मुर्गा बनाया जाता, कुछ बी होता, सारी मेरी माँ आग़े पूर दिया करती पिटवान खातिर ) घरां आई आर बोली ताई आज ये स्कूल म क्यू ना गये मेरी माँ ने उस तै बुज्या आक थारी छुट्टी क्यू ना होई और थारे कुण्से मास्टर का ब्याह सै आज | उ न बेरा पाटग्या आक झूठ बोल के एहये है उसने और के चाहिए था एक दो अपनी ओर तै और फूक दी आर बोली ताई आज तै पढाई बी भोत बढ़िया होई | फेर के था मेरी माँ ने ठाया सोटा आर लिकड्गी, हमने टोवन लागी | आर हाम भारने भी छेड़ करते पाए, उड़े इ मारण लागी, मरती-२ घरां लायी आर जिसे थे उसानए ही झोले पकड़ा दिए आर सोटे मारती-२ ले गी स्कूल म आर छोड़ दिए स्कूल के गेट प इब हाम भीतर क्यूँकर जावा इब मास्टरा का बी डर लागे था फेर बी हाम भीतर चले गये इब १२ सवा बारा स्कूल म पहुचे जिब मास्टर बी देख क हैरान हो गे, फेर उड़े मास्टरा न गेर के काटे उस दिन पाछे कदे इसा बहाना कोणी बनाया
 
Last edited:
chalo aachaa hoyaa fer jab paachhey to tum kardey hokein padhan laagey hoge. er oss chhori kaa sukar gujaar honaa chaahiye tamney naa to unpadh reh jaandey.
 
rajkphogat said:
Sanjay bhai

yo te laaduwa aaley kamrey me bad ki bhitar te sakal maar ki khaan me viswaas kare se

Er nu kartey k kiseyney haad sek diye hongey iskey jibbey ya albaadh na likhta............
Click to expand...

teraa infiriority complex gayaa koni laage se , ghanaa chidan laagyaa naa to teraa bhee rakesh sehrawat aalaa haal ho jyaa gaa.jo maanas aap kimmey nahi kar sakdaa wo dusryyan me khaam kaa galti kadhtaa haandyaa kare, err ebb to tu meri pitaai ke bhee supney lewan laagyaa.
 
You must log in or register to reply here.
Back
Top