Hariyanvi Rhymes for children ( hariyanvi ) please contribute...

गाड़े लुहारी


गाड़े लुहारी चिमटा दे
गेल्याँ एक पलटा दे

एक बणा दे छाल्णी
फूंकणी आग बाल्णी

एक छोटी नखचुंडी दे
गाल चाहे भुंडी दे

एक दे दिए छाज
दादी नु चाहिए आज

मोटा एक तौआ दे
जो घी का रोट पोवा दे

तासली दे तासला भी दे
सुथरा सा एक पलुआ दे

बढ़िया सी कढाई दे
जबान में नरमाई दे

चार-पांच तू दांदी दे
खुरपा एक आंडी दे

एक चाहिए कांडा
मांगे ताऊ रांडा

बुआ ने परांत दे
माँ ने तू दरांत दे

कात दे फाली दे
बोहिये की जाली दे

कस्सी दे कसोला दे
गेल्याँ एक बसोला दे

दादा की लाठी मुठ दे
मेरे गडघेड़े में छूट दे
( या मन्ने आज लिखी थी बालकां खातर ,किसी लागी बताइयो )( या मेरे "ग्रामीण जीवन " कविता सग्रह का भाग होगी )------रवि "अतृप्त "
 
badhiya hai bhai...

ravinderjeet said:
गाड़े लुहारी


गाड़े लुहारी चिमटा दे
गेल्याँ एक पलटा दे

एक बणा दे छाल्णी
फूंकणी आग बाल्णी

एक छोटी नखचुंडी दे
गाल चाहे भुंडी दे

एक दे दिए छाज
दादी नु चाहिए आज

मोटा एक तौआ दे
जो घी का रोट पोवा दे

तासली दे तासला भी दे
सुथरा सा एक पलुआ दे

बढ़िया सी कढाई दे
जबान में नरमाई दे

चार-पांच तू दांदी दे
खुरपा एक आंडी दे

एक चाहिए कांडा
मांगे ताऊ रांडा

बुआ ने परांत दे
माँ ने तू दरांत दे

कात दे फाली दे
बोहिये की जाली दे

कस्सी दे कसोला दे
गेल्याँ एक बसोला दे

दादा की लाठी मुठ दे
मेरे गडघेड़े में छूट दे
( या मन्ने आज लिखी थी बालकां खातर ,किसी लागी बताइयो )( या मेरे "ग्रामीण जीवन " कविता सग्रह का भाग होगी )------रवि "अतृप्त "
Click to expand...
 
खाज्ला कुत्ता
खाट तले सुत्त्या
रमलू ने मुत्त्या
भोंस्या कुत्ता
डर ग्या रमलू
ओढ़ ली सौड़
कुत्ते ने लाइ दौड़
 
निम्मां लागी निम्बोलियाँ
बादलाँ की आई टोलियाँ
ठाडा मींह बरसता जा
गेल्याँ बय्ध टर्डता जा
 
ravinderjeet said:
गाड़े लुहारी


गाड़े लुहारी चिमटा दे
गेल्याँ एक पलटा दे

एक बणा दे छाल्णी
फूंकणी आग बाल्णी

एक छोटी नखचुंडी दे
गाल चाहे भुंडी दे

एक दे दिए छाज
दादी नु चाहिए आज

मोटा एक तौआ दे
जो घी का रोट पोवा दे

तासली दे तासला भी दे
सुथरा सा एक पलुआ दे

बढ़िया सी कढाई दे
जबान में नरमाई दे

चार-पांच तू दांदी दे
खुरपा एक आंडी दे

एक चाहिए कांडा
मांगे ताऊ रांडा

बुआ ने परांत दे
माँ ने तू दरांत दे

कात दे फाली दे
बोहिये की जाली दे

कस्सी दे कसोला दे
गेल्याँ एक बसोला दे

दादा की लाठी मुठ दे
मेरे गडघेड़े में छूट दे
( या मन्ने आज लिखी थी बालकां खातर ,किसी लागी बताइयो )( या मेरे "ग्रामीण जीवन " कविता सग्रह का भाग होगी )------रवि "अतृप्त "
Click to expand...


जमा देसी सोद्दा ...........कती ज्ञान सा आगया भाई
 
तकती पे तकती
तकती पे मुल्तानी
सकूल जावे बीरा
बन्ज्या श्याणा ग्यानी |

जब छोटे बालक सकूल जावण तें नाट ज्यां ,जब भलोवन्न खातर कह्या करें |
 
आई तीज बिखेर गी बीज
आई होली भर ले गी झोली

( ये एक प्रकार की कहावत हे , तीजों के आने पर त्यौहार शुरू होते हैं और होली के बाद ख़तम हो जाते हैं |)
 
मिन्डकी ने ठाई टांग
मिन्ड़क पड़ग्या पी के भांग
घर में उनके बडगया पाणी
आई खारकी भेओ सान्नि

( जब पहलम २०-३० डांगरआँ की सान्नि भेंनी पड्या करदी जब गाभरू कह्या करदे |
 
या बहू किसकी ?
मेरी
तेरी ना तेरे बाप की
या बहू मेरी

( ये जब कह्या करदे जब बालक जोहड़ में नहांदे एर एक जणा ईंट नु ठा कें अर सब नु दिखा कें उह ईंट ने फेर पाणी में बागा देंदा| फेर सब उह ईंट नु टोहन्दे | फेर जिह के भी ठा जांदी वो फेर उसे जुमले नु दोहरान्दा |
 
तीन तिगाड़े
काम बिगाड़े
एक काणा
चुगल खोरा घणा
दूजा टुंडा
जल्खोरा भुंडा
तीजा लंगडा
चास्निया तगड़ा
 
नाहनी-नाहनी बूँद पड़ें थी ,
गोडयाँ चढ़ गी गार्या |
लख्मीचंद की टांग टूट्गी,
सांग बिगड़ ग्या सारा |
आज-आज बेटा खेल कूद ले ,
तडके कर दयूं न्यारा |
जंगल में तेरा महल चिन्या दयूं ,
झांकी दार चौबारा |
 
कुल्हड़ी में दाणे
कूद-कूद खाणे
चाहे माड़े हों
चाहे मोटे हों
कह गे लोग श्याणे
 
गरड-फ़रड़ बादल गरजे
भुंडू बाणिया डर तें लरजे
डरदे -डरदे ने ठोक दी लिंडी
काले कुत्ते ने पाड़ ली पिंडी
पिंडी मां तें लिकड़ा खून
भुंडू पड़ग्या हो के सुन्न
 
सीली -सीली बाल चाली |
रुन्खां की डाली हाली |
चिड़िया आलने कानी चाली
ब्ल्धां की बाजी टाल्ली
सीली -सीली बाल चाली |
 
तू कुण ?
में हाउ !
तू किथों आया ?
में डोडी में तें आऊं !
तू के करे ?
में बालकां ने डराऊं !
तू के खावे ?
में रेत की रोटी खाऊं !
तू क्यूकर चाले ?
में बाल गेल्याँ उड़ जाऊं !!
 
You must log in or register to reply here.
Back
Top