धन्यवाद भाई आप सभी लोगों का ........ थारी फरमाइश पै तीन और.......!
१)
एक बार नत्थू के घर फत्तू चोर बड़ ग्या! नत्थू नै वो पकड़ लिया और उसके दोंनू पैर एक खुट्टे कै बाँध दिए! फत्तू नै बाँध कै नत्थू रिपोर्ट लिखाण पुलिस चौकी मै चल्या गया! चौकी मै होलदार नै पूछ्या के ताऊ चोर कित् सै? नत्थू बोल्या, "उसके दोंनू पैर खुट्टे कै बाँध कै आया सूं"! होलदार बोल्या, "ताऊ, तू उसके हाथ तो खुल्ले ही छोड़ आया, जै वो खुला कै भाज ग्या तो?"! नत्थू बोल्या, "रै चाल कै तै देख, वो भी मेरी तरियाए सै - या बात मेरे दिमाग मै ना आई तो उसकै क्युक्कर आवैगी?"! होलदार नत्थू गैल जिब उसके घरां आया तो देख्या के चोर दोंनू हाथान तै खुट्टे नै पाडन मै जुट रह्या था!
२)
सूंडू कै किसै चिंता मै सूकना रोग लाग ग्या! एक दिन एक ताई उस्तै कहण लाग्गी, "हाँ रे सूंडू, इतणा माड़ा क्युक्कर हो ग्या?"! सूंडू बोल्या, "ताई ये हाड आगै अड़गे, ना माड़ा तो और भी हो ज्यात्ता"!
३)
नौरंगी लाल के छोरे नै लाम्बे-लाम्बे बाल राख राखे थे! नौरंगी नै उस्तै कई बार बाल कट्वाण की कही पर छोरे नै बाल कोन्या कटवाए! आखिर एक दिन छोरे नै तंग आकै बूज लिया, "बाब्बू तू मेरे बालां के पाछै क्यूँ पड़ रह्या सै?"! नौरंगी लाल बोल्या, "बेटा बात या सै अक लोग घरां आवै तो सै छोरी देखण अर पसंद कर ज्यावें सै तन्नै"!
नोट: न. ३ करीब चार साल पहले भी पोस्ट कर चुका हूँ ....... किन्तु हिंदी में लिखने का मजा ही कुछ और है!
