albaadi baalkaan key kissey.

जब में दशमी में पढ्या करदा | एक बे म्हारे गाम में रोहतक के शर्न्नार्थियें के बालक पेपर ( सितेम्बर में बोर्ड के एक्साम होया करें उनमे ) दवन आये वे १०-१५ जाने थे एर साईकलां पे आया करदे | टाई-टूई ला कें आंदे एर गाम की छोरिया नु देख कें स्टायल मारदे | गाम के बालक उन तें चिड गे | चोमास्याँ का बखत था एर म्हारे स्कूल के गेट एर सड़क के बीच में ३० मी. कच्चा ईंटा का रास्ता था | चोमास्याँ में ऊ पर के पानी ना उतरे जयां तें उपे पुलिया बना दिया करदे आये साल | जो लाकडी के तख्त्याँ की होया करदी एर उन तख्त्याँ के तले ईंट ला दंदे | तो हाम ने एक पलान बनाई | जब उनके एक्साम ख़तम होवन में १०-१५ मिनट रहली जब हाम ने उन तख्तायाँ के तले की ईंट ई ढाल खिसका दी अक ऊपर के कोए ऊतरे तो वे तख्ते अन्बलंस हो कें पानी में ढह पड़ें | एर जब वे आये तो उनमे जो घने माचेण लागरे थे एर आगे थे वे ३-४ जाने सुधाँ साईकलां पानी में एर वे तले एर उनके साईकल ऊपर | उनकी पेड़ (पर्चे लीखन की ) पानी में बह्न्दी गई | सारे छोरे-छोरीया के पेट फूट गे हान्स हान्स कें | फेर बाकी के पपर उनने बोल-बाल्याँ ने दिए| उनकी सारी सटाइल पानी में बह गी |
 
rajkphogat said:
School time me Ek purani athanni chalya karti jiska sher 5 rupye k sikkey k sher jaisa hota tha aur 5 k sikkey se kari-2 adhi. Hum kuch dost Do athanniyo ko bakri waley hissey (where 50 paisa mentioned) ki taraf se chipka kar Lunch time me 5 rupye me chalaya kartey Lunch time me bheed bahut hoti thi rehdiwalo k pass.
Do teen bar pakdey gaye to hum ye keh k apni athanniya wapas maang lete ki doosrey dukandar ne humey chipkayi hai abhi wapas badalwa k latey hain.
Click to expand...

भाई राज्जे, तू अपने बैंक में भी तो नु ही कान नी काटदा लोग्गां के?
 
जब हाम दसमी में पढ्या करदे | तो माहरे गाम में एक कम सी उमर के मास्टर की बदली होगी | वो गणित एर अंग्रेजी पढ़ाया करदा | उका नाम एर गाम तो इब याद कोणी | एर मेरे ख़याल में उकी उनके घर्कयाँ गेल्यां कीमे रोला था, इस्सा सुनन में आया था ,तो हेड मास्टर ने ऊती स्कूल में-ए एक उपरली मंजिल पे कमरा दे दिया रहन खातर | थोड़े दिना में उने एक्स्ट्रा इन्कोम खातर टूशन पढ़ाना शुरू कर दिया | पहलम हाम ३-४ बालक जावन लागे थे पर एक मिहना होंदे -होंदे १५-२० जने होगे | १ मिन्हा गया ,२ मिन्हे गए कई बड़े-बड़े कुंग्रा ने ऊती पिस्से कोणी दिए | पाछे बेरा पाट्या अक वे घर्कयाँ धोरे तो पिस्से ले आंदे पर मास्टर तै देण की बजाय उन पिस्सां की फिलम देख लेंदे ,के खाण - पीण में खर्च कर देंदे | जब मास्टर ने घणी दाब लायी तो उनने एक पलान बनाई | कम्बल परेड | पहल्ड़े दिन तो उनने आपस में -ए एक जाने पे खेस गेर कें एर लाईट बंद कर कें गूंसे लात मारे फेर एक दो जणा गेलायाँ और नु ए करी | एर तीसरे दिन लाईट बंद कर कें एर मास्टर के इतने भुन्ड़े मारे अक उने टूशन के पिस्से तो भूल गया आपने हाड संभालने मुस्किल होगे| एर आगले दिन तें टूशन बंद |माहरे बर्गे सीधे - साधे बालकां का भी नुक्सान हो गया |
 
घणे साल पहलम की बात से म्हारे गाम की सड़क में खड्डे पड़ रे थे डूंघे- डूंघे | एक कंपा कोला का ट्रक सहज-सहज जावे था आखालियाँ माँ के | तो माहरे माँ तें एक जणे ने कुकरे एक बोतल काढ ली एर ले कें नु भाज गया एर गालां में बड गया | ऊके पाछे कलीनर लागलिया पकडन खातर | ड्राईवर अकला रहगया तो और एक जणे नु भी बोतल काढ ली एर वो भी गाम की गाला में जा बड्या | ड्राईवर उकी गैल भाज लिया | आछा मोका देख कें म्हारे पुरे जत्थे नु ट्रक पे धावा बोल दिया | उनके ना तो वे थाए जो पहलम काढ कें भाजे थे एर ना हाम | मोजाँ ही मोजाँ |
 
ravinderjeet said:
शुरू | पहल्ड़े दिन तो उननेमाहरे बर्गे सीधे - साधे बालकां का भी नुक्सान हो गया |
Click to expand...

Tu er Sidha Sadha yo te joke bangya humor section me gero.

Itni albaadh tanne kar rakhi se itni te poora gaam bhi na kar sake bhai.

Jalebi er tanne compare karo to jalebi sidhi lagegi tere aagey to hahahahahahahahah
 
Paisa wasool

Ek be 11v class me ek english ka master tha usney class me keh di thi ek jo mere dhorey tution nahi padhega usney fail karunga Ist term me mere sawa cheh 6.25 no diye manne char be te total laya fer te jaki 6.25 bane mere dhorey mai gaya ek sir paas te kardyo ghark chetengey (7 mrks out of 20) wo naat gya ek sadhey cheh 6.50 hotey to kar deta eb na karu.

To bhai IInd term me manney bhi tution la liya(manne k poori class thi) eb k karan padhawe te koni hamney bekoop bana ki khandha dey. Us tem pyaz 50 rupiye killo they er wo bera na kit te ek tokra bharya pyaja ka to hamney chat pe te bhar ki polythene pyaj baga diye niche ek chora tha legya apkey gharya wo shak karta raha kisey aur pe kai din jhallaya.

Fer usney chinai ki kuch eet bachi hod dhar rakhi thi chat pe chatta la ki er uskey barabar me ek khali plot tha usme kichad me soor(pig) lot marya kartey
te hum do chorey roj jaki uski ek-2 eeit tha ki baga dete us kichad me.

Aise karki humney apney peesey wasool kare.
 
rajkphogat said:
Tu er Sidha Sadha yo te joke bangya humor section me gero.

Itni albaadh tanne kar rakhi se itni te poora gaam bhi na kar sake bhai.

Jalebi er tanne compare karo to jalebi sidhi lagegi tere aagey to hahahahahahahahah
Click to expand...

raj bhai mahaari gaal me mery to udhaaran diyaa karde maa-baap aapne baalkaan tahi ak dekh ravinder ki dhaal aachhey
baalak bano, jaa me mahaare gaam ke baalkaan ki aalbaad likhan laag gyaa naa ess taagey nu eak saal chalaa sakoon soo.

er jalebi bhee to meethee ho se mahaari albaad bhee mithee laage sein lokaa nu.
 
Aise karki humney apney peesey wasool kare.[/QUOTE]

eent bagaa kein thaare pisse kukar wasool hoye. we to gayaar me gaye eentaa nu thaa kein gharaan le jaande to maane bhee jaande.eent thaan kaa ek kissa tadke likhoongaa.
 
ravinderjeet said:
Aise karki humney apney peesey wasool kare.
Click to expand...

eent bagaa kein thaare pisse kukar wasool hoye. we to gayaar me gaye eentaa nu thaa kein gharaan le jaande to maane bhee jaande.eent thaan kaa ek kissa tadke likhoongaa.[/QUOTE]

K kartey bhai

Paas bhi te hona tha eeit baga-2 e raji holiye hum te.
 
म्हारी गाळ में एक बुढिया थी ( मेहर सिंह की माँ जी का रहडुआ हामने जोहड़ में बगाया था ) | ऊके तीन छोरे थे फेर भी वा न्यारी रह्या करदी | घनी लडोक थी एर चुगल खोर भी | उकी एक भुंडी आदत थी ईंट ठा-ठा लावन की | गाळ में पड़ी हों के किस्से का बहरने आगे खडंजा हो उने ईंट ठा कें लायानी जरूर | उने म्हारे घेर के ओटअड़े की घनी सारी ईंट ठा राखी थी | ऊती कई बे समझाई ऊके छोर्यां ताहि भी कही पर वा मानी कोणी | उने एक आछा बड्डा चट्टा बना राख्या था | ऊती हामने नु भी दिखा लिया अक ये ईंट म्हारी से ईंट बट्ठे के नम्बर दिखा कें भी समझावन की कोसिस कर ली पर उने के मानना था | अक दिन वा रोहतक चाली गई एर मन्ने एर मेरे भाई ने मिल कें रह्डू ल्या कें उकी सारी ईंट घाल ली एर शेड दे सी नु मिस्त्री बुला लिया एर वे सारी ईंट ओटडे में चिन दी एर ऊपर के गेर दी सीमट | फेर वा हांडी टीं-टीं करदी | पर उने मरे ते घनी करड़ी दुश्मनी पाळ ली | एक दिन में म्हारी चोंतारियाँ पे बैठ्या था | तो उने बोल-बाली नु आकें मेरे भाठा मार्या सर में | दो साल लागे वो गोला ठीक होवन में | मरण नु मर गी पर दुश्मनी निभाई इतने ज़िंदा रही |
 
mere mama kaa chhoraa mere
हान का से एर वो भी फौगाट से राज फौगाट की डालां उत से | जब हाम स्कूल में पढ्या करदे जब की बात से | तो वो एक अठेन्नी में मोघा कर कें ऊमे तागा घाल रया था | उस बखत लोकल काल का ५० पिस्से लाग्या करदा | एर वो उस अठन्नी ने लोकल काल आले फोन में घाल कें एर कित्ते हो फोन कर देंदा एर फोन होयें पाछे काढ लेंदा खींच कें | ख़ास कर जो अखबार में सरकारी दफतरां के फोन नंबर लिखे होंदे उन पे | एर जब फोन अफसरां की टेबल पे धरे होया करदे | तो वो उनने नु कह कें ने सतान्दा अक तेरी रिपट आई से अक तू घूस ले से , में चंडीगढ़ तें बोलू सू | एर वो अफसर बिचारा डर जांदा एर ना बुजदा रह जांदा | एर यो फोन काट देंदा | खाम-खा बकरा बना देंदा |
 
ravinderjeet said:
Eb bhai Kisey chhori te jeeb dikhawega te wa te sir e phodegi Mithai thodey hi degi.
JEEB DEEKHAAN KI TO BAAT KONI OONE MERI BAANGROO BOLI PE AITRAAJ SE.


hahahahhahahahahha.............
Click to expand...
[/QUOTE]

Achha fer thik se bhai mai jana kitey tanne jaban dikha di.

Er eb tu bambaiya boli (eg BANGROO) bolega te samaj me naa aayi hogi, to gussa kar diya eb nu kehen me te bezati hoja ne ek samaj me naa aaya.
 
म्हारी गाळ में एक छोरा था |( ईबी से पर इब्ब वो लोग होर्या से )| उका नाँ हामने धर राख्या था मस्तू | माहरे तें ४-५ साल बड्डा था | उकी एक भुंडी आदत थी वो आपने थें छोटे बाल्कां नु घाणा सताया करदा | जोहड़ में नाह्न्दे तो सर नु पानी में दूबोये रहंदा इनने बालक छटपटां ना लाग जांदा | रूंख पे चढ़ रें हों तो अचानक धक्का दे देंदा | मेहंस जोहड़ तें बाहर लिकड़ री हो एर हामने स्कूल में जान में वार होंदी हो तो मेहंस नु उल्टा-ए बाड़ देंदा( वो आप तो पढ्या कोणी करदा ) | और भी घने-अ ढाल सताया करदा | मेरा काका थानेदार था | इब्ब तो वे पाछली जनवरी में गुजर गे |
उनकी पोस्टिग घणे साल ताहि रिवाड़ी रही थी | तो जब चंडीगढ़ जाणा होंदा तो आंदा -जांदा होया घरां रूक कें जाया करदा | उनकी सर्विस रिवाल्वर हमेशा गल्यान रहया करदी | एक बे वे मरी खातर एक नकली पिस्तोल ले आये किस्से चोर पे पकड़ी थी आसली जिस्सी धीखन आली | मस्तु ताहि मन्ने धमकी दे राखी थी अक इब्बके मेरा काका आवेगा तो में उकी पिस्तोल तें तेरे गोली मार दूंगा | एर रात सी नु जित घेर में मस्तू सोया करदा डांगरा धोरे, वा नकली पिस्तोल ले कें में चाल्ला गया ,एर मस्तु ठा दिया सूत्या | मस्तू ने पजामे-ए में मूत दिया | ऊ दिन पाछे आज ताहि में कदे गाम में भी चाल्या जा सूँ तो आगे ते भाई साब नमस्ते कह कें लिकड़ा करे (ऊँ वो मेरा काका लागे से ) |
 
You must log in or register to reply here.
Back
Top