albaadi baalkaan key kissey.

kuldeeppunia25 said:
ditto ...... from my side........
Click to expand...

हा हा हा ,देख्या या बात भी तमने दोनुआ ने सुवाद लेवन के मार्या ने लिखी स | कोए बात ना थारी माफ़ी गलती कर दू सूँ |
 
में छोटा सा-ए था,तीन-एक साल | मेरी माँ मेरी बेबे ने मेरे धोरे लुटा कें एर काम लाग गी एर नु बोली अक बेबे ने रोवण ना दिए, खिला लिए | माड़ी वार पाछे वा रोवण लागी ,मन्ने कई बे भलोई चुप्लोई पर वा रोवण तें थम्बी-ए ना | मन्ने नु सोची अक माँ ने नु कही थी अक रोवण ना दिए तो मन्ने उह के उप्पर बैठ कें एर उह का मुंह एर नाक भींच के ने बेठ्गा | मेरी माँ ने अचानक उह की रोवण की आवाज बंद कुकर होगी नु सोच कें ने देखन आई तो में ठा के ने एक ओड़ ने गेरा | ना तो उह दिन मेरी बेबे का किर्याकर्म हो जांदा| या शायद मेरी पह्ल्डी अल्बाद थी जो एक दुर्घटना होवण तें बच गी |
 
म्हारी गाल में एक छोरा था | ऊह का असली नाँ तो बेरा कोणी पर ऊह ने खोखा कह्या करदे | म्हारे गाम में पंजाब नेशनल बेंक ने आपणी ग्रामीण शाखा खोल राखी थी | उह में लोग एर लूगाइयां के खाते थे | आधे तें फ़ालतूआँ के तो गुठे लाग्या करदे | लुगाई तो ओहला काढ के पिस्से लेवन आया करदी | एर सहज-सहज बोल्दी तो किस्से बेंक आले ने बेरा ना पाटदा अक या कूण से | ऊँ भी बेंक आले अकाउंट बुक जिह धोरे होंदी उह ने-ए अकाउंट का मालिक मान लिया करदे| जब ताहि फोटू भी कोणी लागणे सुरु होए थे अकाउंट बुक पे | तो यो खोखा श्रीमान जी आपणी बुआ ( यो आपणी बुआ के रह्या करदा जिह की कोए औलाद ना थी ) की गेल्याँ पिस्से काढ्वान आया करदा | उहने बेरा था अक अकाउंट में किन्ने पिस्से सें | उनके चालीस किल्याँ का जमींदारा था | तो फसल पे आछे पिस्से जमा हो जाया करदे | एक बे वो किस्से और लुगाई नु आपणी बुआ बना के ले आया अर अस्सी हजार रपिये काढ ले गा अर दिल्ली भाज गा | जब वो शायद दशमी में पढ्या करदा | या बात आज तें ३०-३५ साल पुराणी स | जब इतने पिस्स्याँ की घणी वेल्यु होया करदी | कई दिन पाछे जब उह की टोह पड़ी एर शक के आधार पे जब ऊह की बुआ ने खाता चेक कर्या , जब ऊह की करतूत का बेरा पाट्टया | पर इस कारण म्हारे गाम के एक बेरोजगार रामबीर सिंह ने नोकरी मिल गी | इब्बी वो मानस बेंक में नोकरी करे स लोग एर लुगाई पिछानन की | जब गाम के माणस उहने खोखिया नोकर कहन लागे थे | "420 खोखा...." |

वैधानिक चेतावनी----भाई यो काम आल्बाद कम अर अपराध घणा स कदे कोए सा नक़ल करण की कोशिश करे |

le bhaai ger di panch line.
 
Last edited:
Aakhir mein "420 खोखा...." bhi likhna chahiye thaa..... punch-line reh gyi is Allbaadh mein bhai ji :rock

Bahut badhiya !

ravinderjeet said:
म्हारी गाल में एक छोरा था | ऊह का असली नाँ तो बेरा कोणी पर ऊह ने खोखा कह्या करदे | म्हारे गाम में पंजाब नेशनल बेंक ने आपणी ग्रामीण शाखा खोल राखी थी | उह में लोग एर लूगाइयां के खाते थे | आधे तें फ़ालतूआँ के तो गुठे लाग्या करदे | लुगाई तो ओहला काढ के पिस्से लेवन आया करदी | एर सहज-सहज बोल्दी तो किस्से बेंक आले ने बेरा ना पाटदा अक या कूण से | ऊँ भी बेंक आले अकाउंट बुक जिह धोरे होंदी उह ने-ए अकाउंट का मालिक मान लिया करदे| जब ताहि फोटू भी कोणी लागणे सुरु होए थे अकाउंट बुक पे | तो यो खोखा श्रीमान जी आपणी बुआ ( यो आपणी बुआ के रह्या करदा जिह की कोए औलाद ना थी ) की गेल्याँ पिस्से काढ्वान आया करदा | उहने बेरा था अक अकाउंट में किन्ने पिस्से सें | उनके चालीस किल्याँ का जमींदारा था | तो फसल पे आछे पिस्से जमा हो जाया करदे | एक बे वो किस्से और लुगाई नु आपणी बुआ बना के ले आया अर अस्सी हजार रपिये काढ ले गा अर दिल्ली भाज गा | जब वो शायद दशमी में पढ्या करदा | या बात आज तें ३०-३५ साल पुराणी स | जब इतने पिस्स्याँ की घणी वेल्यु होया करदी | कई दिन पाछे जब उह की टोह पड़ी एर शक के आधार पे जब ऊह की बुआ ने खाता चेक कर्या , जब ऊह की करतूत का बेरा पाट्टया | पर इस कारण म्हारे गाम के एक बेरोजगार रामबीर सिंह ने नोकरी मिल गी | इब्बी वो मानस बेंक में नोकरी करे स लोग एर लुगाई पिछानन की | जब गाम के माणस उहने खोखिया नोकर कहन लागे थे |

वैधानिक चेतावनी----भाई यो काम आल्बाद कम अर अपराध घणा स कदे कोए सा नक़ल करण की कोशिश करे |
Click to expand...
 
म्हारी गाल में पंजाब नेसनल बेंक की ग्रामीण शाखा का उदघाटन था | उड़े सब ने एक-एक लिफ़ाफ़े में पांच-पांच लाडू घाल-घाल के देवें थे | हाम ने सब बालकां ने एक-एक गेडा तो मार लिया था अर और लेवन की टाह में हाँडन लाग रे थे | पर उह बेंक की मनेजर म्हारी-ए गाल की छोरी थी एर वा सारे जाण्या नु पिछाने थी ज्यां तें किस्से का दुसरा हाथ ना लाग्या था | म्हारी गाल का एक बुड्ढा गोरधन उड़े आग्या अर एक लिफाफा ले कें ने खडा होग्या माडी सी वार पाछे उड़े कई लुगाई आगी तो गोर्धन ने जिह हाथ में लिफाफा ले कें ने खडा था वो हाथ तो पाछे ने कर लिया अर दुसरा हाथ आगे ने कर कें ने और लाडू माँगन लाग्या | उह ने सोची अक आपने पोते-पोतियाँ खातर और ले चालूँ | पाछे सुरेंदर ( म्हारी अल्बादी बालकां की तिकड़ी का सदस्य )खड्या था मीठे का घणा चटोरा | उहने मारया झप्पअट्टा एर जांदा रह्या | गोर्धन के जो हाथ में थे वे भी गया अर दुसरा लिफाफा भी कोणी थाया | घणा लोभ , दे ड्योब |
 
या बात मेरे बाबू ने बताई थी | एक छोरा (इब्ब तो वो बुड्ढा लोग होर्या स ) दूसरी गाल का मेरे बाबू की गेल्याँ पढ्या करदा | ऊह का बाबू तो था अनपढ़ एक दिन ऊह का बाबू ऊह तें बोल्या आरे काल तू मदरसे (जब सकूल ने मदरसा कह्या करदे )क्यूँ नि गया | वो छोरा बोल्या "बाबू काल तो इतवार था |" फेर आज क्यों नि गया ऊह के बाबू ने बुझी | वो फेर बोल्या "आज इतवारी थी |"
 
मेरा एक दोस्त स सतपाल ऊँ वो स तो रिफूजी पर जाट सकूल /कोलेज रोहतक का पढ्या होड़ स | तो बोलन- चालन अर दीखन में भी वो जाट-ए दीखे स | उह ने मेरे ताहि या बात बताई थी | उसका एक दोस्त था धर्मबीर वो दोनु कट्ठे प्रताप टाकिज रोहतक में फिल्म देखन जा र थे | यो टाकिज भियाणी स्टेंड धोरे कपड़ा मंडी में होया करदा | केरा इब्ब कोणी ,मन्ने पक्का ना बेरा | ते उह छोरे धरम बीर ने एक आइस क्रीम ले ली जब दूध आली आइसक्रीम दो रापियाँ की आया करदी एक कप से में | वो नु बोल्या अक र म्हारे इस कुह्ल्डी में के होवे स | तू नु कर छिक के खुआवन का ठेका कर ले | वो रेहड़ी आले ने सोची अक कितणी खावेगा | घणी तें घणी १०-१२ खा ले गा | उहने २५ रापियाँ में छिक के खुवान का ठेका कर लिया | इब्ब भाई धरमबीर लाग्या खावन दे धडा -धड | जाट का छोरा बेचारा आर्या था लामनियाँ की पंना काढअन | उहने तो ला दी उह की वा खोखी सी तली में | बेचारे रेहड़ी आले ने हाथ जोड़ लिए अक भाई जी मन्ने ब़क्स दो आज पाछे इन्नी बड़ी गलती कददे ना करूँ मेरी तो सारे दिन कमाई आप ने खा गेरी | जाट का पेट ,जणू दादा जी की लेट |
 
एक बे में मेरे माम्याँ के जाऊं था | तो रोहतक बस अड्डे (पुराना ) पे तें में कलोई आली बस में बैठ गा | ये लोकल गाम आली बस अर मेडिकल आली बस एक जिस्सी दिखया करदी | जब बस भ्यानी स्टेंड पे जा ली तो उड़े तें कई शर्नार्थियाँ के बालक चढ़ लिए अर कंडेकटर तें बोले अक मेडिकल मोड़ की टिकट दे दे | ये न्यारे पिछन जाया करदे गोरे-गोरे ,चिकने-चिकने | कंडेकटर ने धें दे सी ने शीटी मारी | डरेवर के कसुता छो उट्ठया अक चाल्दे -ए फेर बस रुकवा दी | में उड़े आगे आली शीट पे बेठ्या था अर उड़े कई कालेजाँ के छोरे भी बेठे थे | वे बोले ड्रेवर ताहि ,कोए बात ना ताऊ अलसेसियन कुत्ते चढ़ गे थे | डरेवर भी हंसन लाग्या अर उह का छो जांदा रह्या |
 
ravinderjeet said:
मेरा एक दोस्त स सतपाल ऊँ वो स तो रिफूजी पर जाट सकूल /कोलेज रोहतक का पढ्या होड़ स | तो बोलन- चालन अर दीखन में भी वो जाट-ए दीखे स | उह ने मेरे ताहि या बात बताई थी | उसका एक दोस्त था धर्मबीर वो दोनु कट्ठे प्रताप टाकिज रोहतक में फिल्म देखन जा र थे | यो टाकिज भियाणी स्टेंड धोरे कपड़ा मंडी में होया करदा | केरा इब्ब कोणी ,मन्ने पक्का ना बेरा | ते उह छोरे धरम बीर ने एक आइस क्रीम ले ली जब दूध आली आइसक्रीम दो रापियाँ की आया करदी एक कप से में | वो नु बोल्या अक र म्हारे इस कुह्ल्डी में के होवे स | तू नु कर छिक के खुआवन का ठेका कर ले | वो रेहड़ी आले ने सोची अक कितणी खावेगा | घणी तें घणी १०-१२ खा ले गा | उहने २५ रापियाँ में छिक के खुवान का ठेका कर लिया | इब्ब भाई धरमबीर लाग्या खावन दे धडा -धड | जाट का छोरा बेचारा आर्या था लामनियाँ की पंना काढअन | उहने तो ला दी उह की वा खोखी सी तली में | बेचारे रेहड़ी आले ने हाथ जोड़ लिए अक भाई जी मन्ने ब़क्स दो आज पाछे इन्नी बड़ी गलती कददे ना करूँ मेरी तो सारे दिन कमाई आप ने खा गेरी | जाट का पेट ,जणू दादा जी की लेट |
Click to expand...

Partap, Ashoka, Liberty,Sangeeta sab saaf ho liye ib jata ke balak lukhma gud bech ke filam dekhan na ja sakte shiela ki ticket bhot mehangi ho rahi hai ar Bangad mein mhare gaam ke shansia ka raj hai Flyover bane pache nyu bhi uski sale kam ho gayee thee.
 
rakeshsehrawat said:
Partap, Ashoka, Liberty,Sangeeta sab saaf ho liye ib jata ke balak lukhma gud bech ke filam dekhan na ja sakte shiela ki ticket bhot mehangi ho rahi hai ar Bangad mein mhare gaam ke shansia ka raj hai Flyover bane pache nyu bhi uski sale kam ho gayee thee.
Click to expand...

इब्ब ते बेरा ना भाई के-के बदल गा | माडल टाउन कती उजाड़ सा पड्या रह्या करदा | अर इब्ब उड़े के गाडी चलानी मुस्किल हो जा स | घणी कसुती भीड़ मुंबई की ढाल |
 
मेरा दोस्त नरेंदर (म्हारी अल्बादी तिकड़ी का सदस्य ) दसमी कर के अर डी.टी.सी. में कंडेकटर ला गया | उह की डीवटी दिल्ली तें हरद्वार आली बस पे लाग गी | एक बे उह की बस दोफारी में खाली आवे थी ,बस एक दो-ए सवारी थी | राह में एक भेड़आँ आला फेट ग्या | उह ने उस भेड़ आले गेल्याँ बात कर कें अर उह की ३०-३५ भेड़ थी अर किते ७०-८० कोलोमिटर पे आगे छोडनी थी ठेका कर लिया | उह ने नु सोची अक इह रूट पे कदे चेकर तो आंदा कोणी अर किम्मे चा पानी लिक्डावे गा | माड़ा सा इमानदार भी रह्या | १०-१२ टिकट भी काट दी | पर उह दिन राह में चेकर आ ग्या | चेकर बोल्या अक र तन्ने यू के कर राख्या स | नरेंदर बोल्या अक जी बस खाली आवे थी सवारी मिलदी कोणी तो मन्ने सोची डी.टी.सी के घाटा करण तें आछा किम्मे दो पिस्से बन ज्यांगे ,मन्ने तो ज्यां तें ये बिठा लिए | चेकर बोल्या पर तन्ने तो १२-ए टिकट काट राखी सें अर ये तो घणी सें | नरेंदर बोल्या अक जी इह भेड़आँ आले ने मेरे ताहि १०-१२-ए बताई थी जा आपने घणी लाग्दी हों तो गिन लो | पर चेकर उन् ने गिने क्यूकर | उह चेकर ने उह की रिपोर्ट कर दी अर वो भाई सस्पेंड होग्या | जब उह की इन्कुवारी होई अर जब उह पे सवाल बुझे अक तन्ने भेड़ क्यूँ बिठाई | नरेंदर बोल्या अक नु कित लिख राखी स अक भेड़ सुवारी कोणी होंदी | अर मन्ने तो टिकट भी कट राखी सें | इन्कुआरी अफसर बोल्या अक तन्ने टकट भी कम काटी | नरेंदर ने जबाब दिया अक मन्ने तो चेकर ताहि कही थी अक गिन कें बता दे में और काट द्यूंगा पर इह पे गिनी-ए कोणी गई मन्ने भी कोशिश करी थी गिनन की पर मेरे पे भी गिनी कोणी गई | चेकर ने कोण्सी सही गिनती करी थी | उह ने भी तो नु-ए कही थी अक घणी सें | नरेदर जिब्बे बहाल कर दिया | धाकड़ कंडेकटर |
 
Good thread. Ravindra Jeet Ji. thank you for sharing........mere paas bhee bachpan kee kuchh ghatnaye hain, share to karna chahta hoon par mujhe aapki likhni nahi aati, samajh me to poora aa jata hai....
 
rajpaldular said:
Good thread. Ravindra Jeet Ji. thank you for sharing........mere paas bhee bachpan kee kuchh ghatnaye hain, share to karna chahta hoon par mujhe aapki likhni nahi aati, samajh me to poora aa jata hai....
Click to expand...

hindi me likh do rajpal ji aade koye prtibandh naa s ,bhaashaa pe.
 
मेरी बुआ की छोरी साभो (साहिबकौर) घणी उत थी | या घटना उह ने म्हारे तैं बताई थी |वा मेरे तें आठ दस साल बड्डी होगी | जब सी मेरा फूफा घणा धनवान था | आजादी के बखत उह धोरे दो रुस्सी ट्रेक्टर ,एक कार अर एक बस थी | उह ने आपनी हेली के सहारे एक मकान बनवा राख्या था ,दो मंजिला अर उह में हमेशा ५-७ बाबे पड़े रह्या करदे | उन् खातर उह ने एक रसोइया भी राख राख्या था | जितना मेरे फूफा का कुनबा था उतने-ए बाबे पड़े रह्या करदे उड़े | मेरी बुआ अर बालक सब उनके विरुद्ध थे अक खाम खा आड़े इन् ने गेरे राखे स अर खुवाएं जावे स | साभो ने एक प्लान बनाई अर कदे तो उनके खाने में जब पूरा बन्न ले जब पानी मिला आंदी ,रसोइये तें लुक के | कदे घणा नूण मिला देंदी | कदे दो-तीन बुखटे मिरच्यां के गेर देंदी | कदे लुकमा उनके चूल्हे की आग बुझा देंदी ,पाणी गेर कें | कबे आधी रात ने जब बाबे सुते होंदे जब उनकी झांकी में टाल्ली बजा कें लुक जांदी | एक बे तो दलिया चढ़ा राख्या था तो रन्धया होड़ दलिया काढ लिया अर काच्चा घाल के धर दिया | बाबे परेशान अक कोए आंदा जांदा दिकदा ना अर यो सब जरुर कोए ओपरी आत्मा करे स | उन् बाब्याँ आले मकान के शामि शाभो के ताऊ की चोबारे की भींत पड़े थी कती प्लेन एक रात ने उहने अर उह के भाई ने एक हाथ का पंजा बनाया ,गत्ते का अर उह के एक गिट्टी के तागे का दोनु ओड़ ने इस्सी ढाल बाँध दिया अक एक ओड़ तें खींचे तो दूसरी ओड़ तें ढीला छोड़ दे | नु कर कें एक दो चांदनी रात में वे कसुते डरा दिए | कई बाबे तो jaande रहे पर दो-तीन बुड्डहे बाबा उड़े-ए पड़े rahe jo haandan firan joge ना थे |उन् बाब्याँ ने मेरा फूफा पटा लिया अक कढाई चढ़ानी पड़ेगी ,घर में भूतां का डेरा स | मेरे फूफा ने गाम न्यूत दिया अर रिश्तेदारी भी बुला ली | पहलम भी कई रिश्तेदार कह दिया करदे अक क्यूँ इन् बाब्याँ पे लुटता हंडे स पर वो नाराज हो जाया करदा | पर इब्बके तो कती नाश ठा दिया था बाब्याँ के चक्कर में |मेरी बुआ आगि म्हारे घरां अक नु-नु करर्या स अर किम्मे करो | फेर मेरे बाबू हर ने अर एक दो बड्डे-बूढ़े रिश्तेदार बुला कें वा कढाई रुकवाई अर वे बाबा उनके गाम के एक मदिर में ले जा कें गेर दिए | जब जा कें उन् बाब्याँ तें पेंडा chhutyaa | वीरअंगना छोरी साभो |
 
ravinderjeet said:
मेरी बुआ की छोरी साभो (साहिबकौर) घणी उत थी | या घटना उह ने म्हारे तैं बताई थी |वा मेरे तें आठ दस साल बड्डी होगी | जब सी मेरा फूफा घणा धनवान था | आजादी के बखत उह धोरे दो रुस्सी ट्रेक्टर ,एक कार अर एक बस थी | उह ने आपनी हेली के सहारे एक मकान बनवा राख्या था ,दो मंजिला अर उह में हमेशा ५-७ बाबे पड़े रह्या करदे | उन् खातर उह ने एक रसोइया भी राख राख्या था | जितना मेरे फूफा का कुनबा था उतने-ए बाबे पड़े रह्या करदे उड़े | मेरी बुआ अर बालक सब उनके विरुद्ध थे अक खाम खा आड़े इन् ने गेरे राखे स अर खुवाएं जावे स | साभो ने एक प्लान बनाई अर कदे तो उनके खाने में जब पूरा बन्न ले जब पानी मिला आंदी ,रसोइये तें लुक के | कदे घणा नूण मिला देंदी | कदे दो-तीन बुखटे मिरच्यां के गेर देंदी | कदे लुकमा उनके चूल्हे की आग बुझा देंदी ,पाणी गेर कें | कबे आधी रात ने जब बाबे सुते होंदे जब उनकी झांकी में टाल्ली बजा कें लुक जांदी | एक बे तो दलिया चढ़ा राख्या था तो रन्धया होड़ दलिया काढ लिया अर काच्चा घाल के धर दिया | बाबे परेशान अक कोए आंदा जांदा दिकदा ना अर यो सब जरुर कोए ओपरी आत्मा करे स | उन् बाब्याँ आले मकान के शामि शाभो के ताऊ की चोबारे की भींत पड़े थी कती प्लेन एक रात ने उहने अर उह के भाई ने एक हाथ का पंजा बनाया ,गत्ते का अर उह के एक गिट्टी के तागे का दोनु ओड़ ने इस्सी ढाल बाँध दिया अक एक ओड़ तें खींचे तो दूसरी ओड़ तें ढीला छोड़ दे | नु कर कें एक दो चांदनी रात में वे कसुते डरा दिए | कई बाबे तो jaande रहे पर दो-तीन बुड्डहे बाबा उड़े-ए पड़े rahe jo haandan firan joge ना थे |उन् बाब्याँ ने मेरा फूफा पटा लिया अक कढाई चढ़ानी पड़ेगी ,घर में भूतां का डेरा स | मेरे फूफा ने गाम न्यूत दिया अर रिश्तेदारी भी बुला ली | पहलम भी कई रिश्तेदार कह दिया करदे अक क्यूँ इन् बाब्याँ पे लुटता हंडे स पर वो नाराज हो जाया करदा | पर इब्बके तो कती नाश ठा दिया था बाब्याँ के चक्कर में |मेरी बुआ आगि म्हारे घरां अक नु-नु करर्या स अर किम्मे करो | फेर मेरे बाबू हर ने अर एक दो बड्डे-बूढ़े रिश्तेदार बुला कें वा कढाई रुकवाई अर वे बाबा उनके गाम के एक मदिर में ले जा कें गेर दिए | जब जा कें उन् बाब्याँ तें पेंडा chhutyaa | वीरअंगना छोरी साभो |
Click to expand...
Aan bhai thare kunbe mein koye Sudha manas bhi hai ke?
 
ravinderjeet said:
मेरी बुआ की छोरी साभो (साहिबकौर) घणी उत थी | या घटना उह ने म्हारे तैं बताई थी |वा मेरे तें आठ दस साल बड्डी होगी | जब सी मेरा फूफा घणा धनवान था | आजादी के बखत उह धोरे दो रुस्सी ट्रेक्टर ,एक कार अर एक बस थी | उह ने आपनी हेली के सहारे एक मकान बनवा राख्या था ,दो मंजिला अर उह में हमेशा ५-७ बाबे पड़े रह्या करदे | उन् खातर उह ने एक रसोइया भी राख राख्या था | जितना मेरे फूफा का कुनबा था उतने-ए बाबे पड़े रह्या करदे उड़े | मेरी बुआ अर बालक सब उनके विरुद्ध थे अक खाम खा आड़े इन् ने गेरे राखे स अर खुवाएं जावे स | साभो ने एक प्लान बनाई अर कदे तो उनके खाने में जब पूरा बन्न ले जब पानी मिला आंदी ,रसोइये तें लुक के | कदे घणा नूण मिला देंदी | कदे दो-तीन बुखटे मिरच्यां के गेर देंदी | कदे लुकमा उनके चूल्हे की आग बुझा देंदी ,पाणी गेर कें | कबे आधी रात ने जब बाबे सुते होंदे जब उनकी झांकी में टाल्ली बजा कें लुक जांदी | एक बे तो दलिया चढ़ा राख्या था तो रन्धया होड़ दलिया काढ लिया अर काच्चा घाल के धर दिया | बाबे परेशान अक कोए आंदा जांदा दिकदा ना अर यो सब जरुर कोए ओपरी आत्मा करे स | उन् बाब्याँ आले मकान के शामि शाभो के ताऊ की चोबारे की भींत पड़े थी कती प्लेन एक रात ने उहने अर उह के भाई ने एक हाथ का पंजा बनाया ,गत्ते का अर उह के एक गिट्टी के तागे का दोनु ओड़ ने इस्सी ढाल बाँध दिया अक एक ओड़ तें खींचे तो दूसरी ओड़ तें ढीला छोड़ दे | नु कर कें एक दो चांदनी रात में वे कसुते डरा दिए | कई बाबे तो jaande रहे पर दो-तीन बुड्डहे बाबा उड़े-ए पड़े rahe jo haandan firan joge ना थे |उन् बाब्याँ ने मेरा फूफा पटा लिया अक कढाई चढ़ानी पड़ेगी ,घर में भूतां का डेरा स | मेरे फूफा ने गाम न्यूत दिया अर रिश्तेदारी भी बुला ली | पहलम भी कई रिश्तेदार कह दिया करदे अक क्यूँ इन् बाब्याँ पे लुटता हंडे स पर वो नाराज हो जाया करदा | पर इब्बके तो कती नाश ठा दिया था बाब्याँ के चक्कर में |मेरी बुआ आगि म्हारे घरां अक नु-नु करर्या स अर किम्मे करो | फेर मेरे बाबू हर ने अर एक दो बड्डे-बूढ़े रिश्तेदार बुला कें वा कढाई रुकवाई अर वे बाबा उनके गाम के एक मदिर में ले जा कें गेर दिए | जब जा कें उन् बाब्याँ तें पेंडा chhutyaa | वीरअंगना छोरी साभो |
Click to expand...

aa leyo bhai saa saare k saare albaadi kisse padh liye...........................er ab jaa ke chain ki neend aayegi
 
You must log in or register to reply here.
Back
Top