haryanvi boli aur uske anokhe sabad

ravinderjeet said:
चलतर-- यो शबद संस्कृत के चरित्र तें बणर्या से |
वाक्य में परयोग --- क्यों घणे चलतर करण लाग री स |
Click to expand...

चलतर नहीं
चल्लत्तर
 
Last edited:
deswaldeswal said:
jhakoi............ka wakye main paryog karo
Click to expand...

झक -- यो शबद ऊँ तो सिन्धी बोली का स जिह का मतलब मछली हो स | "झक मारना " का मतलब मछली मारना हो स ,जो की एक निरर्थक काम सम्झ्या जा स | झकोई का भी इस्से माणस ने कह्या करें जो माठा हो ,माडी अक्कल का हो , बेकार सा हो | झक्की माणस भी कह दिया करें जो खाम खा उराँ-पराँ हंडे जावे |
वाक्य में परयोग --- रे झकोई , किम्मे कर भी लिया कर , अक खावण- खावण का स |
 
नकरमा -- हिंदी में ईह नु निक्कमा कह दिया करें | यो शबद संस्कृत के निष्कर्म शबद तें बणर्या स | बेकार ( बिना काम का ) ईह का पर्यायवाची स |
वाक्य में परयोग -- र नकरमे किम्मे तो कर लिया कर | खाम खा लोकां की गाल खांदा हंडे जा स |
 
बंग --- यो शबद ताकतवर माणस खातर परयोग कर्या जा स |
अपभरंश--- यो शबद संस्कृत के द्विबल + अंग की संधि तें बनर्या स यानी दोगुणी ताकत (अंगों ) आले माणस खातर परयोग कर्या जा स | अंग्रेजी का डबल ,तरिबल भी इस्से शबद के अपभरंश सें |
वाक्य में परयोग --- जाट एक दबंग कौम स |
 
बीरा --- यो शबद वीर का अपभरंश से | माँ ,भाण , बुआ आपने बेटे ,भाई एर भतीजे खातर बर्त्या करें |
बीरबान्नी-- आम तौर पे लूगाइयां खातर बरतन में आवे स ( कई बे आपनी घर आली खातर भी लोग बरते सें पर वो गलत स ) पर यो " वीरों की वाणी " का अपभरंश स | यानी जब लोक लड़ाई पे जाया करदे तो माँ भाण उनका होसला बधाया करदी अक तम मान सम्मान और रक्षआ खातर यूद्ध करो |
 
हाण --- यो शबद समय खातर परयोग क़र्या जा स | संस्कर्त में भी किते -किते ईह का परयोग क़र्या जा स जुकर मध्यान (मध्य + हाण ) बीचाले का समय |
हाणइए -- एक ही उम्र आले ,मतलब एक -ए बखत के पैदा होए होड़ | हम उम्र |
वाक्य में परयोग --- इन्नी हाण कित था भाई |
 
वार --- यो शबद भी समय खातर परयोग क़र्या जा स | वार ,संस्कृत के वेला शबद का अपभरंश स |
वाक्य में परयोग --- घंणी वार कित ला दी ?
कल्लेवार ---- तडके एर दोफारी के बीच का बखत | कलेवा (नाश्ता ) + वार = नाश्ते का समय
 
ravinderjeet said:
वार --- यो शबद भी समय खातर परयोग क़र्या जा स | वार ,संस्कृत के वेला शबद का अपभरंश स |
वाक्य में परयोग --- घंणी वार कित ला दी ?
कल्लेवार ---- तडके एर दोफारी के बीच का बखत | कलेवा (नाश्ता ) + वार = नाश्ते का समय
Click to expand...




रवि भाई
एक शब्द है 'लग्दर'... एक बे इसका मतलब और बतइयो ...
ये दूबलधन आले घना बोला करे इसने
 
Last edited by a moderator:
लाग्दार ---- यो शबद लग एर दार दो शबदां तें बाणर्या स | लग =लगन = सम्बंधित होणा| दार ,धारण करने का अपभरंश स | यानी जो समभंध को धारण करता हो | यानी रिश्तेदार |अंग्रेजी में एक शबद स 'लग' या लग्गिंग ऊह का मतलब भी दो के बीच का जोड़ या समभंध-ए होवे स |
वाक्य में परयोग-- यो लाग्दार तो इब्ब ताहि आया -ए कोणी |
 
घणा-- घणा शबद ऊँ तो हरयाणवी में अधिक खातर बरतन में आवे स | पर यो संस्कर्त के सघन का अपभरंश स |
वाक्य में परयोग ---- माँ , घणा दूध ना घालिये |
 
फनडी, फंड , छछर...!!!

मराबटा, घना फनडी सै , कीमे काम कहंदे ए आसन पाटी ले ले सै , ..!!
छछर : मचलना ( तक़रीबन फंड करना ) : घने छछर न करे चुप चपिता दूध पि ले ( छोटे बलाकां ने कह्या करदे generally. पहले ,,आजकल तो जमा सर पे चढ़ा के रखे सें, ज्यात बी बालक घने छछराए हो गे .!!)
 
उहद -- यो शब्द उत्तेजना तें बाणर्या स | जब कोए घणा बकवाद करे जब कह दिया करे के तन्ने घणी उहध लागरी से | "उत " शबद भी इस्से तें बंर्या स | यानी जो घणा उत्तेजित हो |
वाक्य में परयोग--- रमलू घणा उत बालक स , सारी हाण उहद लागी रह स ईह के तो |
 
बेंसां -- या एक गाली स ,जो की लुगाई आपस में लड़दी हान कह्या करें | यो वेश्या शब्द का अप्भारंश स |
 
न्योणा--- ईह शबद का मतलब झुकना हो स | नमस्ते शबद में भी न्यो धातु का पर्योग हो स | नम: +असते | अंग्रेजी में भी नेव का मतलब बीच में से झुक जाना हो स |
वाक्य में परयोग ------- या कड़ी तो बीचाले तें न्योगी , इब तो बदलनी पड़ेगी |
 
You must log in or register to reply here.
Back
Top